«Раней купляла сродак для мыцця посуду — была задаволена. Зараз кошт паднялі, а якасць зусім знікла — адная вада», — пракаментавала сітуацыю з мыючымі сродкамі чытачка Hrodna.life. Іншыя гродзенцы пісалі, што пры магчымасці стараюцца прывозіць бытавую хімію з-за мяжы. Маўляў, гель для прання аднаго і таго ж брэнда, куплены ў Еўропе і ў Беларусі - дзве вялікія розніцы. Каб праверыць гэта сцвярджэнне, Hrodna.life параўнаў склад трох папулярных мыючых сродкаў з чатырох краін — Беларусі, Польшчы, Літвы і Латвіі. Вынікі нас здзівілі.
Гель для прання Persil — геаграфія мае значэнне
«Гель для прання Persil, напрыклад, у Беларусі больш вадкі, чым у Польшчы, , — падзялілася назіраннем чытачка Hrodna.life. — Праз тое яго трэба ліць больш».
Насамрэч, эфектыўнасць і эканамічнасць геля для прання залежыць ад яго складу і канцэнтраванасці.
У склад практычна ўсіх вадкіх мыючых сродкаў уваходяць паверхнева-актыўныя рэчывы (ПАР). У гелях для прання прысутнічаюць іонагенныя і неіонагенныя ПАР. Апроч гэтага ёсць фасфаты, мыла, энзімы, кансерванты, аддушкі, фарбавальнікі. Што тычыцца канцэнтрацыі, то аказалася, што яна розная нават у краінах Еўразвязу.
Склад геля для прання Persil, верасень 2022
- Беларусь: 5 — 15% аніонных ПАР, менш 5% неіонных ПАР, фасфатаў, мыла, энзімаў, кансервантаў, аддушкі, фарбавальнікаў.
- Польшча: 5 — 15% аніонных ПАР, неіонных ПАР; меньше 5% мыла, фосфатов, энзімаў, аддушкі.
- Літва: 5 -15% аніонных ПАР, неіонных ПАР, меньш 5% мыла, фасфатаў, энзімаў, аддушкі.
- Латвія: 15−30% аніонныя ПАР; 5−15% неіонныя ПАР, менш 5% мыла, фасфаты, энзімы, аддушкі, араматызатары.
«Для бялізны яшчэ ў 2020 годзе прывезлі з Польшчы мо кілаграм 20 парашка. Гель для мыцця бялізны купляю нейкі з Нямеччыны. Зараз якасць тая ж, але кошт павялічыўся ўдвая», — піша чытачка Hrodna.life.
Трэба сказаць, што ў пэўным сэнсе яна мае рацыю наконт пакупкі бытавой хіміі з-за мяжы. Але нават у еўрапейскіх краінах трэба звяртаць увагу на тое, што напісана дробных шрыфтам.
Чытайце таксама: Отказались от «ништяков», ресничек и отпуска. Как гродненцы экономят на фоне роста цен и санкций
Вадкасць для паласкання Lenor
Па канцэнтрацыі гэты сродак аказаўся аднолькавых ва ўсіх краінах. У Беларусі склад распісаны нават больш падрабязна.
Склад вадкасці для паласкання бялізны Lenor, верасень, 2022
- Беларусь: 5 — 15% каціонныя ПАР, менш 5% неіонныя ПАР, кансерванты, араматызатары.
- Польшча: 5 — 15% каціонныя ПАР, араматызатары.
- Літва: 5 — 15% каціонныя ПАР, араматызатары.
- Латвія: 5 — 15% каціонныя ПАР; кансерванты, араматызатары.
Сродак для мыцця посуду Fairy — чытайце дробны шрыфт
«Сутыкнулася з гэтым яшчэ вясною, калі замовіла Fairy [праз дыстанцыйны сервісе]. У дзвюх з трох бутэлек сродак быў вадкі і з меньшымі пенаўтваральнымі ўласцівасцямі, не такі, як звычайна. Апошні раз набыла гэты сродак у жніўні, у адной з сеткавых крам — аналагічная сітуацыя. Буду шукаць замену», — напісала адна з чытачак Hrodna.life. Другая выказалася інакш: «Карыстаюся Fairy — нібыта ўсё нармальна. Не заўважыла розніцы».
Вось што паказала даследванне Hrodna.life:
Склад вадкасці для мыцця посуду Fairy, верасень, 2022
- Беларусь: 5 — 15% аніонныя ПАР, менш 5% неіонных ПАР, кансерванты, араматызатары.
- Польшча: 5 — 15% аніонныя ПАР, менш 5% неіонныя ПАР, бензідаціазалінон, феноксіэтанол, араматызатары.
- Літва: 5 — 15% аніонныя ПАР, менш 5% неіонныя ПАР, бензідаціазалінон, феноксіэтанол, араматызатары.
- Латвія: 15−30% аніонныя ПАР, 5−15% неіонныя ПАР, кансерванты, араматызатары.
Апроч канцэнтрацыі, варта звярнуць увагу на пэўныя складнікі, якія ўплываюць на карыстальніцкія якасці.
Загушчальнікі робяць мыючы сродак больш вязкім, а значыць і больш эканамічным. Калі вам падабаюцца густыя, шукайце ў складзе хларыд натрыю, кокамід ці іншыя.
Антымікробныя рэчывы, напрыклад, алоэ вера, у складзе сродка для мыцця посуду абароняць губку для мыцця посуду ад размнажэння мікробаў.
Бензідаціазалінон паскарае растварэнне забруджванняў у вадзе, таму скарачае час мыцця посуду і дазваляе эканоміць ваду.
Стабілізатары і лаурэтсульфат натрыя служаць для ўтварэння пены — з імі посуд адмываецца хутчэй.
Варта памятаць, што любы мыючы сродак абястлушчвае не толькі посуд, але і скуру рук. Таму у любым выпадку лепш мыць посуд у гумовых пальчатках.
Чаму розніцца склад на этыкетках?
Тое, што ў анатацыях да мыючых сродкаў ў розных краінах мы бачым розную інфармацыю, тлумачыцца некалькімі чыннікамі. Гэта патрабаванні стандартаў краіны-спажыўца і краіны-вытворцы сродкаў да іх мыючай здольнасці (а значыць, і канцэнтрацыі), а таксама да таго, пры якой колькасці рэчыва яго трэба пазначаць на этыкетцы.
Чытайце таксама:
