Горад

«У нас няма іншага шляху, мы павінны дайсці да перамогі». Гродзенцы прайшлі па горадзе з велізарным сцягам

У нядзелю, 16 жніўня людзі прайшлі з плошчы Савецкай па вуліцах Кірава, Леніна і Ажэшкі да плошчы Леніна. У розны час у натоўпе было ад 20 да 40 тысяч чалавек. Яны неслі вялікае бел-чырвона-белае палотнішча сцяга. На плошчы зачыталі патрабаванні, якія былі перададзеныя ўладам днём раней. У 19.00 17 жніўня выходзіць тэрмін ультыматуму. Людзі збіраюцца вярнуцца, каб спытаць улады аб выкананні патрабаванняў.

На плошчы Леніна скандавалі «Жыве Беларусь!», «Верым! Можам! Пераможам!» і «Сыходзь».

Пасля кароткай уступнай часткі пачаліся выступленні ля свабоднага мікрафона. Выходзілі выступіць святары, грамадcкія актывісты, дзеячы культуры, рабочыя.

Прадстаўнік фірмы «Терразит» казаў, што яны першымі з прыватных фірмаў Беларусі пачалі страйк.

«У нас няма іншага шляху, мы павінны дайсці да перамогі. Мы не можам спыняць напор. Лукашэнка разумее толькі сілу, а наша сіла ў адзінстве» — казаў прадстаўнік «Терразита».

Гродзенцы на вуліцы Кірава. Шэсце рухалася міма турмы каля гадзіны. Фота: Кацярына Гардзеева

Выступіла старшыня непрызнанага Саюза палякаў Анжаліка Борыс. «За нашу і вашу свабоду» — сказала яна па-польску і па-беларуску.

Выступіла жонка аднаго з мужчын, якія выйшлі на мірны пратэст на плошчу Леніна 12 жніўня. Яны трымалі фота дзяўчынкі, якая пацярпела днём раней у сутыкненні легкавушкі і браняванага пазадарожніка. За гэтую акцыю іх затрымаў і жорстка збіў АМАП. Жонка затрыманага кажа, што ўжо перастала баяцца.

«Няма больш страху, я ўпэўненая, што мы пераможам», — кажа яна і дзякуе медыкам, адвакату і ўсім, хто дапамагаў і дапамагае яе мужу.

Выступленне кожнага спікера сканчалася словамі «Жыве Беларусь!». Бліжэй да канца выступілі журналіст і музыкант Алесь Дзянісаў, а таксама дырэктар стадыёна «Нёман» Віктар Шумель. Калі апошні падняўся на імправізаваную сцэну, людзі сустрэлі яго крыкамі: «Новы мэр!». Ён заклікаў людзей у буднія днём страйкаваць на працы, а ўвечары прыходзіць на мітынгі.

Пасля мітынгу валанцёры сабралі ўсё смецце з плошчы і сметніц у акрузе. Некаторыя людзі фатаграфавалі ўборку і тлумачылі: «Трэба здымаць, а то потым БРСМаўцы кажуць, што мы пакідаем пасля сябе бруд».

Наступны мітынг на плошчы Леніна пройдзе ў панядзелак, 17 жніўня, у 19.00.

Падзяліцца

Апошнія запісы

Тры Белавежскія пушчы. Як агароджы на мяжы змяняюць лес і жывёльны свет у Беларусі, Польшчы і паміж платамі

Белавежская пушча сёння раздзеленая не на дзве, а насамрэч на тры часткі: беларускую, польскую і…

31 сакавіка 2025

«Трэнд — мацоўня, здароўе». Задалі адны і тыя ж пытанні металістам з Беларусі і Польшчы

Ужо некалькі дзесяцігоддзяў метал-музыка аб'ядноўвае людзей не толькі адных музычных прыхільнасцяў, але і падобнага светапогляду.…

26 сакавіка 2025

У гродзенскім ГЦ развяліся прусакі. Куды звяртацца, калі заўважылі насякомых у кафэ ці ў сябе дома

У ГЗК Triniti гродзенцы заўважылі прусака — насякомае бегала па канапе ў зоне фуд-корту. Hrodna.life…

26 сакавіка 2025

«Магчыма, будзе і новы матэрыял». Вакаліст гурта Ulis Слава Корань расказаў, як эміграцыя не дае яму пісаць

Беларускі гурт Ulis праіснаваў больш за 20 гадоў. Яго спадчына жыве - музыканты робяць каверы,…

20 сакавіка 2025

«Мама выпісвала фальшывыя дакументы і дапамагала трапіць у Польшчу». Рэпатрыянтка — пра дзяцінства ў Гродне і эміграцыю ў 1946-м

Крысціна Мішчук (Пянткоўская) нарадзілася ў 1933 годзе ў Гродне ў сям'і мясцовай інтэлігенцыі. Каталічка. Тата…

18 сакавіка 2025

«Мая зямля — што хачу, тое і раблю». З’ездзілі ў польскую вёску ля мяжы з Беларуссю, куды стараста запрашае жыць усіх ахвотных

У 500 метрах ад плота, узведзенага на польскім баку мяжы з Беларуссю, стаіць вёска Азяраны…

17 сакавіка 2025