«Музей Лідскага бровара» адкрыўся для наведвальнікаў на заводзе «Лідскае піва» ў красавіку 2022. Журналісты Hrodna. life аднымі з першых пабывалі на экскурсіі і даведаліся, што можна пабачыць і пачуць на найстарэйшым півавараным заводзе Беларусі.

Празмернае ўжыванне алкаголю шкодзіць вашаму здароўю!

Музей размяшчаецца на чатырох паверхах найстарэйшага будынка завода. Хоць на коміне і бачны надпіс «Сущ. с 1876», сам будынак з’явіўся толькі ў 1910 годзе. Раней заснаваны Носелем Пупко ў 1876 годзе бровар змяшчаўся ў драўляных збудаваннях, а гэта было пажаранебяспечна.

музей лідскага бровара лидское пиво
Гістарычны будынак лідскага бровара, у якім размяшчаецца музей
музей лідскага бровара лидское пиво

Экспазіцыя пачынаецца з агульнай гісторыі піва. У зале, які імітуе сапраўдны бровар, можна даведацца, што піва вынайшлі яшчэ старажытныя шумеры. Археалагічныя звесткі кажуць, што піва варылі ў Месапатаміі 5000 і больш тысяч гадоў таму!

Сёння працэс варкі піва больш складаны і тэхналагічна дасканалы. Пра яго дэтальна расказвае экскурсавод. Аказваецца, любое, нават «нефільтраванае» піва ўсё ж праходзіць як мінімум адну фільтрацыю — аддзяленне ад вадкасці клетак дрожжаў ды іншых узвешаных частак.

Музей лідскага бровара Лидское пиво
Музей працуе з серады па нядзелю з 10.00 да 18.00. Экскурсіі пачынаюцца ў 10.00, 13.00, 15.00 і 16.00. Абавязкова загадзя трэба забраніраваць час
музей лідскага бровара лидское пиво
Шумеры захоўвалі піва ў гліняных гаршках, нашыя продкі - у драўляных бочках. Бочкі і зараз выкарыстоўваюцца ў піваварэнні, але не прамысловым, а крафтавым. Ёсць нават рынак ужываных бочак з-пад віскі, у якіх адстойваюцца некаторыя гатункі цёмнага піва — портэраў і стаўтаў

Для кожнага напою — свая вада

На «Лідскім піве» для ўсіх напояў - піва, кваса, Pepsi, пітной вады Aura ды іншых — выкарыстоўваецца ўласная вада. На тэрыторыі прадпрыемства ёсць дзве свідравіны глыбінёй 300 метраў. З іх здабываюць 150 тон вады ў гадзіну. Для прыгатавання аднаго літра піва трэба выкарыстаць пяць літраў чыстай вады.

Вада таксама адрозніваецца. Для піва — адна, для кваса — іншая. Для Pepsi, каб смак быў ідэнтычны ва ўсіх заводах свету, выкарыстоўваецца ачышчаная, фактычна дыстыляваная вада.

Не толькі смак, але і пах

У адной з залаў вам прапануюць параўнаць і пазнаць пахі характэрныя для розных гатункаў піва. Пшанічнае мае арамат бананаў, цытрусаў. Цёмныя гатункі - шакаладны, карамельны, гваздзікавы пах. Пахі закупараныя ў бутэльках, але пазнаць хаця б палову з усіх можа толькі сапраўдны знаўца. Ёсць некалькі бутэлек з пахамі, якіх не павінна мець добрае свежае піва.

У наступнай зале можна пабачыць калекцыю розных піўных бутэлек XIX-XX стст. з нашага рэгіёну. Ёсць не толькі бутэлькі з бровара Носеля Пупко (менавіта імя заснавальніка доўгі час было ў назве заводе), але і гістарычныя бутэлькі ад знакамітых польскіх бровараў Okocim, Dojlidy, бровараў украінскага Львова, літоўскага Шаўляя, Смаленска ды іншых гарадоў колішняй Расійскай Імперыі. Ёсць і калекцыя піўных этыкетак.

музей лідскага бровара лидское пиво 04

Для кожнага гатунку — свой куфаль

У чарговай зале можна пабачыць «перыядычную табліцу стыляў піва» ды даведацца, што для кожнага гатунку ёсць свой куфаль: «цюльпан» для бельгійскіх эляў і ламбікаў, «штанге» для пільзнераў, «імперская пінта» для стаўтаў і г. д. Там жа можна на інтэрактыўных панэляў згуляць у простыя гульні, каб выйграць «імянную этыкетку».

Чытайце таксама: Уехал в Бельгию и сварил лучшее пиво в мире. История Матвея Шафранского из Гродно

Наступная зала расказвае пра фінскі канцэрн Olvi, якому (пакуль што) належыць 96% «Лідскага піва». Беларускі завод — самы буйны ў складзе канцэрну. У шафах можна пабачыць гатункі піва і напояў, якія выпускаюць іншыя заводы групы ў Фінляндыі, Эстоніі, Латвіі і Літве.

Ад шумераў і драўляных бочак да Носеля Пупко і Olvi: рэпартаж з “Музея Лідскага бровара”
музей лідскага бровара лидское пиво
«Музей Лідскага бровара» расказвае не толькі пра гісторыю, але і пра сучаснасць «Лідскага піва». Можна пабачыць макет завода, відэаролікі з цэхоў, даведацца пра сувязі і інвестыцыі
музей лидского бровара лидское пиво 25
Лімітаваныя гатункі піва ад лідскага бровара. Адзін з іх у 2018 годзе быў прысвечаны 100-годдзю Беларускай Народнай Рэспублікі. Сёння такую тэматычную серыю было б цяжка ўявіць

Перад канцом экскурсіі вас запросяць у кіназалу, дзе ў рэкламным роліку актор, які грае заснавальніка бровара Носеля Пупко, яшчэ раз расказвае пра гісторыю і сучаснасць завода.

Заканчваецца паўтарагадзінная экскурсія на паддашшы будынка ў імправізаваным бары, дзе вам прапануюць дэгуставаць некалькі папулярных гатункаў ад «Лідскага піва».

Ад шумераў і драўляных бочак да Носеля Пупко і Olvi: рэпартаж з “Музея Лідскага бровара”

Дарэчы, прамысловыя экскурсіі па цэхах прадпрыемства, якія можна было заказаць яшчэ некалькі гадоў таму, цяпер не праводзяцца. Маўляў, на дзеючым прадпрыемстве не варта іх рабіць ды і настроі кіраўніцтва на гэты конт змяніліся.

Чытайце таксама: В Китае обнаружили вино «Лидское». Белорусские пивовары разводят руками

Ад шумераў і драўляных бочак да Носеля Пупко і Olvi: рэпартаж з “Музея Лідскага бровара”

Празмернае ўжыванне алкаголю шкодзіць вашаму здароўю!