Міліцыянтаў і іх блізкіх цкуюць ў інтэрнэце пасля падзей у Гродне, заявіў 13 ліпеня першы намеснік міністра ўнутраных спраў Генадзь Казакевіч, перадае БЕЛТА. У МУС знайшлі вінаватых і прыцягнулі да адказнасці. Спецыяльна для чытачоў Hrodna.Life псіхолаг Вольга Вялічка тлумачыць, чаму траўля міліцыянтаў у інтэрнэце — самая натуральная рэакцыя грамадства і чаму яна ні да чаго добрага не прывядзе.
Цкаванне супрацоўнікаў міліцыі і іх сваякоў пачалася пасля падзей у цэнтры Гродне 29 траўня: тады зтрымалі блогера Сяргея Ціханоўскага, актывістаў і нават выпадковых мінакоў. Многія гараджане пасля гэтых падзей абчувалі агрэсію, сорам, здзіўленне, злосць і крыўду, — практычна ўвесь спектр негатыўных перажыванняў і пачуццяў.
Псіхалогія кожнага з нас ўладкавана не складана і часта тлумачыцца элементарнымі законамі фізікі і матэматыкі. Ніякая энергія не ўзнікае ніадкуль і не знікае ў нікуды. Закон захавання энергіі працуе заўсёды і без выключэнняў. Ён зменіцца толькі тады, калі пачнуць змяняцца і іншыя законы прыроды.
Затрыманне блогера Ціханоўскага, суды над выпадковымі мінакамі захаваліся ў галовах людзей абасобленымі карцінамі, а нервовая сістэма пераўтварыла іх у эмоцыі, якім патрэбен выхад ва ўчынкі. Напісаць каментар або абразу ва ўяўна-ананімнай сацыяльнай сетцы — самае простае і хуткае з дзеянняў. Напал каментара або паведамленні залежыць ад аб’ёму назапашанага болю ад доўгага замоўчвання несправядлівасці, ад выхавання і адукацыі яго аўтара.
Так працуе самы элементарны механізм захавання энергіі і эмацыйнай гігіены. Наша псіхіка імкнецца да простых дзеянняў без аналізу наступстваў. Іншымі словамі, нервовая сістэма не хоча напружвацца і шукае відавочныя рашэнні для выкіду негатыўных эмоцый, калі словы ідуць наперадзе думак. Менавіта гэта і становіцца небяспечным з пункту гледжання наступстваў.
Самая прымітыўная рэакцыя, на жаль, не будзе канструктыўнай з пункту гледжання законнасці і здаровага сэнсу. Калі вы адчуваеце, што ўнутры сфармавалася магутная негатыўная энергія і вы не можаце ці не ўмееце выводзіць яе «моўчкі», выкарыстоўвайце законныя механізмы камунікацыі.
У выпадку з затрыманнямі актывістаў, — у сістэме МУС працуе ўласная служба бяспекі, наглядныя органы. І нават калі вы не верыце ў справядлівасць і вынясенне законных рашэнняў, гэта не можа і не павінна быць прычынай супрацьпраўных дзеянняў з вашага боку.
Неасцярожныя, агрэсіўныя, абразлівыя эмацыйныя выказванні, мат у сацыяльных сетках у адрас блізкіх супрацоўнікаў міліцыі або саміх міліцыянтаў ніяк не вырашыць праблему рэпрэсій, але могуць скончыцца пераследам і адказнасцю для іх аўтара.
Нашы прадзеды ведалі простую ісціну: «усё хваробы ад нерваў». А таму ўсе нявыказаныя і назапашаныя вамі негатыўныя эмоцыі «асядуць» на вашых унутраных органах. Тонка там, дзе рвецца, а таму нервовае напружанне правакуе псіхасаматычныя захворванні, нервовае знясіленне. Супрацьстаяць гэтаму дапаможа агульны канструктыў, уменне расці над сабой, надаваць увагу ўласнаму целу і накіроўваць энергію ў карыснае рэчышча. А яшчэ простае правіла: перш чым зрабіць, сем разоў падумай пра наступствы!
Гэтыя ж законы і правілы датычацца і супрацоўнікаў міліцыі, якія спасылаюцца на сваё абыякавае і простае выкананне загадаў, супакойваючы сябе і сваю сям’ю тым, што ад іх нічога не залежыць. Любое і кожнае дзеянне фармуе эмоцыі. Яны дапамагаюць альбо ствараць, альбо разбураць. І ад гэтых простых законаў прыроды нікуды не падзецца, негатыўныя эмоцыі грамадства нікуды не знікнуць.
Берагчы сябе, праяўляць свядомасць і пазбягаць канфліктаў - не значыць быць абыякавым. Выбух магчымы толькі ва ўмовах, калі негатыў ідзе насустрач. Калі адзін з бакоў выяўляе спакой, рацыянальнасць і разважлівасць — негатыў сыдзе на нішто. Абразы, пажаданні смерці, мат, праклёны ў адрас сям'і да сёмага калена — толькі азлобіць адрасата, кім бы ён ні быў (напрыклад, міліцыянтам будзе здавацца, што яны абараняюць не толькі інтарэсы краіны, але і свае асабістыя). І справакуе новы віток гвалту ў краіне.
У адзін з дзён снежня 2021 года сямігадовы Артурка прачнуўся і знайшоў у суседнім пакоі…
У тым, што беларусы цанілі і да гэтага часу цэняць магію, упэўніцца не складана. Мы…
Гродзенец Андрэй Мялешка захапіўся маркамі яшчэ ў першым класе, калі далучыўся да філатэлістычнага гуртка. І…
Каложскі вадаліў, або акваманіл, — гэта адзін з найцікавейшых артэфактаў, якія захаваліся ў Гродне з…
Цяпер замест пісьменнікаў і музыкаў у беларускія школы ўсё часцей запрашаюць актывістаў з “моцнай грамадзянскай…
Зараз гораду больш за ўсё не хапае паркаў і сквераў, лічыць старшыня Гродзенскага гарвыканкама Андрэй…