Людзі і справы

Гродзенец зварыў у гаражы ровар-гібрыд і 9 гадоў катаецца на ім

Гродзенскі пенсіянер Мікалай Арцюшын ужо 9 гадоў катаецца на пабудаваным ім самім ровары «Харлі». Ён збудаваў гэты апарат літаральна за дзве гадзіны.

Мікалая Арцюшына часта можна ўбачыць у цэнтры Гродна. Ён не толькі катаецца, але і распавядае ўсім жадаючым пра сваё вынаходніцтва, з кімсьці нават фатаграфуецца.

У пенсіянера атрымаўся гібрыд з трох ровараў.

«Усяго за дзве гадзіны я яго выдумаў і зварыў у гаражы, — расказвае пенсіянер. — Пярэдняя частка ровара ад дзіцячага, сярэдняя ад складнога «Аиста», а задняя ўжо ад дарожнага. Дэталі нейкія знайшоў на сметніку, а нешта ў мяне было. У амерыканцаў ёсць свой «Харлей», а ў нас зараз «Харлі».

Выязджаю на ровары ў асноўным у цэнтр Гродна, каб людзей пасмяшыць. Далёка на ім не заедзеш, але на ім я ездзіў на Аўгустоўскі канал і нават па Мінску катаўся".

Мікалай Арцюшын распавядае пра свой гібрыдны ровар
Стаіць «Харлі» ў пенсіянера ў кватэры на балконе. У калекцыі Мікалая яшчэ пяць ровараў.

«На „Харлі“ ў горад, на шашэйным на дачу і г. д. Людзям падабаецца маё вынаходніцтва, усміхаюцца. Нават адна 90-гадовая бабулька ацаніла ровар. Я выязджаю ў цэнтр гарада на людзей паглядзець і сябе паказаць. Мяне з роварам можна часта ўбачыць на розных масавых мерапрыемствах».

Мікалай Арцюшын 9 гадоў таму прыдумаў і зварыў ровар, які назваў «Харлі»
Нядаўна Мікалай Арцюшын удзельнічаў у вячэрнім велапрабегу ад «ВелаГродна». Праехаў частку шляху з гродзенцамі і паехаў дадому.

«Мне 67 і я яшчэ катаюся, гэта радуе. У мінулым я савецкі мантажнік, які аб’ездзіў многія гарады Саюза. Сёння я ў любімым Гродне і радую гараджан, што можа быць лепш?».

Падзяліцца

Апошнія запісы

«Каб цябе пярун забіў!» Як неверагодны пярун 90 гадоў таму трымаў у страху Гродзеншчыну

“Каб цябе пярун забіў!” - адзін з найбольш вядомых беларускіх праклёнаў. У 1934 і 1935…

22 красавіка 2025

Гродзенцы адкрылі грыбны сезон. Дзе ў вобласці шукаць смаржкі і іншыя грыбы?

З надыходам цяпла ў заходніх рэгіёнах Беларусі - Гродзенскай і Брэсцкай абласцях - сталі з'яўляцца…

22 красавіка 2025

Аліўкавыя, залатыя і мармуровыя яйкі. Трэнды Tik Tok на Вялікдзень 2025

Змяшаць два знаёмыя спосабы афарбоўкі яек і атрымаць аліўкавы колер, знайсці спосаб з дапамогай хімічнай…

17 красавіка 2025

«Усё жыццё мару, што нехта са сваякоў знойдзецца». Гродзенка расказала, як пасля вайны не змагла з’ехаць у Польшчу і трапіла ў Казахстан

Яніна Міхайлаўна Земба нарадзілася ў Гродне ў 1934 годзе. Падчас нямецкай акупацыі яе маму вывезлі…

10 красавіка 2025

Мільярды еўра — Варшаве, мільёны — Мінску. Параўналі, як Польшча і Беларусь выкарыстоўвалі еўрапейскія гранты

«Еўрасаюз нам не патрэбен!» Гэты наратыў папулярны не толькі ў беларускай прапаганды, але і ў…

9 красавіка 2025

Як з беларускіх зямель даплывалі да Амерыкі 100 год таму: расказвае падкаст «Зямля свабоды»

У пошуках лепшага жыцця тысячы людзей выязджалі з беларускіх зямель больш за сто год таму.…

9 красавіка 2025