Канфлікт на Савецкай плошчы: 7-гадовы хлопчык на электракарце збіў жанчыну

Электракарты на Савецкай плошчы. Фота ілюстрацыйнае

12 жніўня прыблізна ў 16:30 на Савецкай плошчы 7-гадовае дзіця за рулём электракарта па неасцярожнасці збіла жанчыну. Тая ўпала на плітку і атрымала цялесныя пашкоджанні, але ад шпіталізацыі адмовілася. Жанчына запатрабавала кампенсацыю ад бацькоў дзіцяці, а карэспандэнту Hrodna.life распавяла, што думае пра нерэгуляваны руху на плошчы.

«Я ішла на працу па плошчы Савецкай і мяне збіў маленькі хлопчык на машынцы, – распавядае 50-гадовая Марыя. – Я нават зразумець нічога не паспела, як ужо ляжала на плітцы. У момант падзення стукнулася галавой, пашкодзіла нагу і руку, парвала басаножкі. Сама падняцца я не магла, мне дапамагалі людзі. Уявіце, калі ён збіў бы не мяне, а маленькае дзіця. Так не павінна быць у пешаходнай зоне».

Канфлікт на Савецкай плошчы: 7-гадовы хлопчык на электракарце збіў жанчыну
Пацярпелая сядзіць на крэсле. Супрацоўнікі адной з кропак, якая не мела дачынення да інцыдэнту, дапамаглі жанчыне

«Зачыніць ці абгарадзіць»

Бацька дзіцяці прапанаваў жанчыне кампенсацыю. Яна сказала, што будзе звяртацца ў міліцыю.

«Я гатовы вырашыць пытанне кампенсацыі, мы з сынам проста арандавалі машынку. І выдатна разумею жанчыну і яе абурэнне. Значыць не трэба тут на плошчы ўсё гэта арганізоўваць. Маё меркаванне: зачыніць пракаты або абнесці плотам пляцоўку», – распавёў мужчына.

«Крутая і папулярная дзвіжуха»

За гэтае лета ў цэнтры Гродна прыкметна вырасла колькасць пракатаў электрасамакатаў, гіраскутараў, сігвэяў і іншых відаў электратранспарту. Усе яны знаходзяцца на пешаходнай частцы Савецкай плошчы. У вячэрні час і ў выхадныя дні там заўсёды шматлюдна, а сярод пешаходаў на вялікай хуткасці на электратранспарце катаюцца дарослыя і дзеці.


Пракат сігвэяў і электрасамакатаў у Гродне: дзе і за колькі


Уладальнікі пракатаў распавялі Hrodna.life, што канфлікты з пешаходамі на Савецкай плошчы ў іх узнікаюць рэдка. Нягледзячы на ​​гэта, яны ўжо шукаюць альтэрнатыўную пляцоўку.

Канфлікт на Савецкай плошчы: 7-гадовы хлопчык на электракарце збіў жанчыну
Электракарты на Савецкай плошчы. Фота ілюстрацыйнае

«За ўвесь час нашай працы такія канфліктныя сітуацыі можна пералічыць на пальцах, – распавядае ўладальнік пракату Ягор. – Я адзін з тых, хто перажывае за тое, што тут адбываецца. Тут ёсць адказныя людзі, якія вядуць сшытак уліку, перад арэндай праводзяць інструктаж і просяць бацькоў сачыць за сваімі дзецьмі. Мы ўсё гэта робім. Катанне на такім транспарце небяспечна, гэта факт. Ніхто не застрахаваны ад наезду на пешахода і адмаўляць гэта глупства. Але сёння гэта крутая і папулярная дзвіжуха ў цэнтры горада.

Сёння ў нас ёсць альтэрнатыва – добры варыянт вырашэння праблемы электратранспарту ў пешаходнай частцы плошчы. Гэтае пытанне мы цяпер прапрацоўваем. Асабіста я не хачу, каб людзі думалі, што мы ні пра што тут не думаем і проста зарабляем грошы».

Пляцоўкі пад пракаты будуць прадавацца праз аўкцыён

Гарадскія ўлады аб праблеме на Савецкай плошчы ведаюць. У будучыні яны плануюць абмежаваць колькасць пракатных месцаў да мінімуму. Улічваючы попыт і канкурэнцыю, будзе праведзены аўкцыён на права арэнды. Раней многія прыватнікі перад тым, як адкрыць пункт пракату на плошчы, заяўлялі, што будуць рабіць паўнавартасныя пракаты і аказваць паслугі для экскурсій па маршруце Савецкая плошча – парк Жылібера. Але выйшла інакш.

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

Канфлікт на Савецкай плошчы: 7-гадовы хлопчык на электракарце збіў жанчыну
Перадрук матэрыялаў Hrodna.life магчымы толькі з пісьмовага дазволу рэдакцыі. Звяртайцеся info@hrodna.life

Spelling error report

The following text will be sent to our editors: