Горад

Ігар Лапеха адкрые музей з макетамі гістарычных будынкаў Гродна, дзе экскурсіі будуць суправаджаць спецэфекты

Гродзенскі краязнаўца Ігар Лапеха да фестываля нацыянальных культур адкрые ўласны музей макетаў «ідэальнага» горада, якія ён ствараў на працягу 10 гадоў. Музей адкрыецца ў новай выставачнай зале на вуліцы Тэльмана, 4.

Доўгі час гродзенскі краязнаўца шукаў месца для сваіх шматлікіх макетаў. Нарэшце пошукі скончыліся поспехам. У самым цэнтры Гродна, на вуліцы Тэльмана, кіраўніцтва горада вылучыла пад музей Ігара два пакоі. У тым будынку, дзе да фестываля нацыянальных культур запрацуе выставачная зала.

Макеты для першага пакоя гатовыя, для другога яшчэ ствараюцца

Адзін з пакояў музея будзе прысвечаны гістарычнаму цэнтру Гродна, другi — кварталу Гарадніцы. Макеты будуць стаяць на вышыні 60 см, некаторыя з іх будуць падсвечвацца.

«Мяркуецца, што група людзей будзе заходзіць у адзін з пакояў на прадстаўленне, дзе будзе ісці аўдыёзапіс са спецэфектамі, — распавядае краязнаўца. — Напрыклад, дзе-небудзь у старым горадзе будзе гарэць будынак і пры гэтым падсвятленне аб’екта будзе суправаджацца крыкамі людзей. Усё будзе дублявацца на макетах».

Макеты гістарычнага цэнтра, якія стварыў Ігар, паказваюць горад у розныя эпохі. Часам суседнічаюць будынкі, якія ніяк не маглі ў адзін час знаходзіцца побач. Такі мікс дазваляе эфектыўна паказаць гісторыю архітэктуры Гродна.

У музеі Ігара Лапехі можна будзе ўбачыць былы палац тэкстыльшчыкаў побач з гарадской ратушай і фарай Вітаўта
Калі панарама горада розных эпох ужо гатовая, то вось макеты Гарадніцы для другога пакоя яшчэ ствараюцца. Там гродзенцы змогуць убачыць усе аб’екты збудаваныя ў часы Антонія Тызенгаўза.

[irp posts="7426″ name=""Гродна выглядаў бы як Прага, калі б не войны". У падвале шматпавярховіка ствараецца макет ідэальнага горада"]

Будуць макеты да 1961 года

На стварэнне макетаў у Ігара Лапехі сышло каля 10 гадоў. У яго творах гродзенцы змогуць убачыць страчаныя аб’екты: ратушу, Дамініканскі касцёл, Фару Вітаўта, палац Масальскіх і іншыя.

«У галоўным пакоі будуць прадстаўлены макеты гістарычнага цэнтра Гродна да 1961 года, яшчэ да таго як былі пабудаваныя Дом быту і кінатэатр „Гродна“. Гэтыя аб’екты вельмі некарэктна ўпісаліся ў гістарычную забудову горада. Менавіта таму я вырашыў не паказваць познесавецкую архітэктуру.

Як фанат архітэктуры, я вельмі цікаўлюся аднаўленнем Гродна на 1654 год. Мне вельмі цікава, як горад выглядаў менавіта ў гэты перыяд. Наш горад у той час быў сапраўды каралеўскім, рэнесансным і прадуманым для жыцця людзей», — дадаў Лапеха.

Свой музей з двума пакоямі гродзенскі краязнаўца плануе адкрыць да лета, а менавіта да пачатку фестываля нацыянальных культур.

Падзяліцца

Апошнія запісы

Тры Белавежскія пушчы. Як агароджы на мяжы змяняюць лес і жывёльны свет у Беларусі, Польшчы і паміж платамі

Белавежская пушча сёння раздзеленая не на дзве, а насамрэч на тры часткі: беларускую, польскую і…

31 сакавіка 2025

«Трэнд — мацоўня, здароўе». Задалі адны і тыя ж пытанні металістам з Беларусі і Польшчы

Ужо некалькі дзесяцігоддзяў метал-музыка аб'ядноўвае людзей не толькі адных музычных прыхільнасцяў, але і падобнага светапогляду.…

26 сакавіка 2025

У гродзенскім ГЦ развяліся прусакі. Куды звяртацца, калі заўважылі насякомых у кафэ ці ў сябе дома

У ГЗК Triniti гродзенцы заўважылі прусака — насякомае бегала па канапе ў зоне фуд-корту. Hrodna.life…

26 сакавіка 2025

«Магчыма, будзе і новы матэрыял». Вакаліст гурта Ulis Слава Корань расказаў, як эміграцыя не дае яму пісаць

Беларускі гурт Ulis праіснаваў больш за 20 гадоў. Яго спадчына жыве - музыканты робяць каверы,…

20 сакавіка 2025

«Мама выпісвала фальшывыя дакументы і дапамагала трапіць у Польшчу». Рэпатрыянтка — пра дзяцінства ў Гродне і эміграцыю ў 1946-м

Крысціна Мішчук (Пянткоўская) нарадзілася ў 1933 годзе ў Гродне ў сям'і мясцовай інтэлігенцыі. Каталічка. Тата…

18 сакавіка 2025

«Мая зямля — што хачу, тое і раблю». З’ездзілі ў польскую вёску ля мяжы з Беларуссю, куды стараста запрашае жыць усіх ахвотных

У 500 метрах ад плота, узведзенага на польскім баку мяжы з Беларуссю, стаіць вёска Азяраны…

17 сакавіка 2025