Спадчына

Стары гадзіннік на кірсе будуць аднаўляць. Знайшоўся спонсар

Вежавы гадзіннік на гродзенскай кірсе пачнуць аднаўляць. Ужо цяпер прадстаўнікі лютэранскай абшчыны вядуць перамовы з польскімі майстрамі і чакаюць іх у бліжэйшы час у Гродне, каб ацаніць аб’ём работ. Спонсарам рамонту гадзінніка выступіць лютэранін, які жыве ў Нямеччыне.

Захаванасць — 85%

Механізм вежавага гадзінніка на кірсе захаваўся да нашых дзён у добрым стане. Паводле папярэдніх ацэнак яго захаванасць складае 85%. Узрост гадзінніка — 105 гадоў, яго ўсталявалі на вежы ў 1913 годзе. Механізм спыніўся прыблізна ў 1944 годзе.

«Сёлета вялікі юбілей для нашай абшчыны — 25 гадоў як мы адрадзіліся пасля працяглага перапынку і 240 гадоў як упершыню была зарэгістраваная лютэранская абшчына ў Гродне, — распавядае пастар Уладзімір Татарнікаў. — Святкаванні пройдуць 27 мая».

Аднаўленне механізму ў вежы будзе выдатным падарункам да юбілеяў.

Фірма, якая ўсталёўвала гадзіннік, яшчэ існуе

Ужо каля месяца вядуцца перамовы з польскай фірмай, якая будзе аднаўляць гадзіннік. Абшчыне таксама ўдалося выйсці і на нямецкую фірму, якая яго ўсталёўвала ў пачатку XX стагоддзя.

«Так, гэтая фірма яшчэ існуе. Для нашага музея яна перадасць старыя дакументы па гадзінніку. Магчыма, у якасці спонсарскай дапамогі яны ўсталююць нам частку страчаных элементаў», — дадаў пастар.

Стары механізм ад гадзінніка на кірсе, які перажыў некалькі войнаў і знішчальны савецкі час

Дапамог былы прыхаджанін

Некалькі гадоў гродзенская абшчына шукала спонсара для рамонту гадзінніка. Абяцала дапамагчы пасольства Германіі, але ў выніку знайшоўся мецэнат з ліку былых прыхаджан. Званару кірхі Юрыю Лабоцкаму пазваніў сябар з Германіі, які прапанаваў заняцца гадзіннікам.

«Ідэя аднавіць гадзіннік з’явілася дзякуючы аднаму былому прыхаджаніну, — распавядае Юрый Лабоцкі. — Абшчына даўно хацела аднавіць яго, але не было сродкаў. Пасля званка Віталя мы знайшлі фірму, якая займаецца рамонтам, і нават самаго вытворцу. Большая частка механізму захавалася добра, не хапае трасоў і барабанаў. Адзін польскі майстар па фатаграфіях ацаніў стан механізму і чакае моманту, каб прыехаць у Гродна».

Юрый Лабоцкі на вежы кірхі паказвае часткі механізму гадзінніка. Ад цыферблата на вежы практычна нічога не засталося

Гадзіннік будзе даглядаць патомны званар

Ёсць верагоднасць, што механізм гадзінніка запусцяць ужо ў 2018 годзе і даглядаць яго будзе акурат званар Юрый Лабоцкі. У абшчыне кажуць, што гадзіннікам на кірсе да Другой сусветнай вайны займаўся менавіта дзед Юрыя — Райнгольд Шэфлер.

«Мой дзед быў званаром і, мне таксама здаецца, што ён адказваў за гадзіннік на вежы да вайны, бо звон і механізм былі звязаныя паміж сабой. Устаноўлены ў кірсе гадзіннік быў дадстаткова сучасны і сур’ёзных навыкаў, каб яго падводзіць або абслужыць, не трэба было мець.

Сёння я, як і мой дзед, пастаянна праводжу час на вежы. Хачу верыць, што ў найбліжэйшай будучыні гродзенцы будуць спраўджваць свае гадзіннікі па нашай кірсе, як гэта было і 100 гадоў таму».

Падзяліцца

Апошнія запісы

Тры Белавежскія пушчы. Як агароджы на мяжы змяняюць лес і жывёльны свет у Беларусі, Польшчы і паміж платамі

Белавежская пушча сёння раздзеленая не на дзве, а насамрэч на тры часткі: беларускую, польскую і…

31 сакавіка 2025

«Трэнд — мацоўня, здароўе». Задалі адны і тыя ж пытанні металістам з Беларусі і Польшчы

Ужо некалькі дзесяцігоддзяў метал-музыка аб'ядноўвае людзей не толькі адных музычных прыхільнасцяў, але і падобнага светапогляду.…

26 сакавіка 2025

У гродзенскім ГЦ развяліся прусакі. Куды звяртацца, калі заўважылі насякомых у кафэ ці ў сябе дома

У ГЗК Triniti гродзенцы заўважылі прусака — насякомае бегала па канапе ў зоне фуд-корту. Hrodna.life…

26 сакавіка 2025

«Магчыма, будзе і новы матэрыял». Вакаліст гурта Ulis Слава Корань расказаў, як эміграцыя не дае яму пісаць

Беларускі гурт Ulis праіснаваў больш за 20 гадоў. Яго спадчына жыве - музыканты робяць каверы,…

20 сакавіка 2025

«Мама выпісвала фальшывыя дакументы і дапамагала трапіць у Польшчу». Рэпатрыянтка — пра дзяцінства ў Гродне і эміграцыю ў 1946-м

Крысціна Мішчук (Пянткоўская) нарадзілася ў 1933 годзе ў Гродне ў сям'і мясцовай інтэлігенцыі. Каталічка. Тата…

18 сакавіка 2025

«Мая зямля — што хачу, тое і раблю». З’ездзілі ў польскую вёску ля мяжы з Беларуссю, куды стараста запрашае жыць усіх ахвотных

У 500 метрах ад плота, узведзенага на польскім баку мяжы з Беларуссю, стаіць вёска Азяраны…

17 сакавіка 2025