Здароўе і спорт

Чытач знайшоў футбольны мяч, якім маглі гуляць у міжваенным Гродне

Гродзенцы працягваюць несці ў рэдакцыю Hrodna.life свае гісторыі і старыя рэчы. 10 мая да нас прыйшоў калекцыянер Віталь Хвайніцкі. Ён паказаў футбольны мяч, якім маглі гуляць у міжваенным Гродне.

Мяч і старую пальчатку Віталь знайшоў у адным з хлявоў на вуліцы Падольнай. Падзяліцца знаходкай вырашыў, калі даведаўся,
што ў Гродне збіраюцца зрабіць музей футбола.

«У пачатку красавіка мне трапіўся футбольны мяч, разам з ім была і пальчатка. Цяжка сказаць, ці выкарыстоўвалі яе ў гульні. Забраў гэтыя рэчы і вырашыў паказаць. Падобныя мячы былі і ў савецкі перыяд, але часовы пласт знаходак у хляве быў звязаны менавіта з міжваенным перыядам: свяцільнікі, розныя інструменты і адзенне. Я больш чым упэўнены, што і мяч з тых часоў. Ды і ў савецкія гады на мячах былі знакі ад вытворцы, на гэтым жа я нічога не знайшоў», — кажа Віталь.

Футбольны мяч і пальчатка, якія знайшоў Віталь у хляве на вуліцы Падольнай
Старадаўнія рэчы Віталь калекцыянуе з канца 1990-х. Пачынаў з марак, цяпер калекцыянуе практычна ўсё: замкі, рэчы і дакументы, фатаграфіі і паштоўкі розных перыядаў.

«Мяне цікавіць больш за ўсё міжваенная Польшчы. Ёсць да гэтага цяга: дзед служыў у польскай арміі і сёння якраз 75 гадоў з дня калі ён загінуў. Усё, што звязана з тым перыядам і Гродзеншчынай, мяне прыцягвае. Гэта нашая багатая гісторыя, якую мы мала ведаем. Гэтым футбольным мячом у Гродне маглі гуляць як польскія, так і яўрэйскія футбалісты ў 1930-х гг.», — дадаў Віталь.

Ёсць верагоднасць, што мяч мужчына перадасць у музей футбола, які стварае гродзенскі «Нёман». Нядаўна чытач Hrodna.life Вячаслаў Сяліцкі перадаў у калекцыю музея буцы, у якіх гулялі гродзенцы ў першай палове XX стагоддзя.

Вячаслаў знайшоў буцы выпадкова, калі давялося разбіраць смецце ў падвале старога дома ў цэнтры Гродна

Даведка

Футбол у Гродне пачаў развівацца пасля Першай сусветнай вайны. У 1920-х гадах у Гродне было ўжо некалькі сур’ёзных футбольных каманд, сярод іх «WKS Grodno» (каманда 76-га пяхотнага палка імя Людвіка Нарбута), «Cresovia» (гарадская каманда), «Maccabi» (яўрэйская каманда) і іншыя. Гэтыя каманды змагаліся за высокія месцы ў чэмпіянаце Беластоцкага акругі да 1939 года. З пачаткам Другой сусветнай вайны яны перасталі існаваць.

Гродзенскія футбалісты, 1920-я гг.
Галоўным відам спорту пасля вайны ў Гродне, акрамя агульнадаступнай лёгкай атлетыкі, быў футбол. На месца польскіх і яўрэйскіх каманд прыйшлі савецкія «Лакаматыў» і «Дынама». У сярэдзіне 1950-х з’явіўся «Нёман», які існуе і сёння.

Падзяліцца

Апошнія запісы

З адной бярозы — да 200 літраў. Як беларусам здабыць бярозавы сок на радзіме і ў эміграцыі

Здабываць бярозавы сок вясной — беларуская традыцыя, у кожным лясніцтве яго можна купіць за капейкі.…

3 красавіка 2025

Тры Белавежскія пушчы. Як агароджы на мяжы змяняюць лес і жывёльны свет у Беларусі, Польшчы і паміж платамі

Белавежская пушча сёння раздзеленая не на дзве, а насамрэч на тры часткі: беларускую, польскую і…

31 сакавіка 2025

«Трэнд — мацоўня, здароўе». Задалі адны і тыя ж пытанні металістам з Беларусі і Польшчы

Ужо некалькі дзесяцігоддзяў метал-музыка аб'ядноўвае людзей не толькі адных музычных прыхільнасцяў, але і падобнага светапогляду.…

26 сакавіка 2025

У гродзенскім ГЦ развяліся прусакі. Куды звяртацца, калі заўважылі насякомых у кафэ ці ў сябе дома

У ГЗК Triniti гродзенцы заўважылі прусака — насякомае бегала па канапе ў зоне фуд-корту. Hrodna.life…

26 сакавіка 2025

«Магчыма, будзе і новы матэрыял». Вакаліст гурта Ulis Слава Корань расказаў, як эміграцыя не дае яму пісаць

Беларускі гурт Ulis праіснаваў больш за 20 гадоў. Яго спадчына жыве - музыканты робяць каверы,…

20 сакавіка 2025

«Мама выпісвала фальшывыя дакументы і дапамагала трапіць у Польшчу». Рэпатрыянтка — пра дзяцінства ў Гродне і эміграцыю ў 1946-м

Крысціна Мішчук (Пянткоўская) нарадзілася ў 1933 годзе ў Гродне ў сям'і мясцовай інтэлігенцыі. Каталічка. Тата…

18 сакавіка 2025