Ветэраны хочуць ссекчы дрэвы на вайсковых могілках. Жыхары Белуша супраць

Гродзенскія ветэраны хочуць высечы дрэвы на вайсковых могілках па вуліцы Белуша. Нібыта расліннасць руйнуе помнікі. Жыхары суседніх дамоў заявілі, што не дапусцяць вырубкі. Для іх могілкі - адзіная зялёная зона ў мікрараёне.

Навошта высякаць дрэвы?

Ініцыятар вырубкі - Гродзенскі гарадскі Савет ветэранаў. 12 снежня на сустрэчу з жыхарамі дома № 3 па 2-м завулку Белуша прыйшоў старшыня Саюза ветэранаў Кастрычніцкага раёна Уладзімір Цюцюнік.

«Тут вам не парк, а могілкі - святое месца. І хадзіць па пахаваннях няправільна. Дарожкі мы дакладна прыбяром, а з дрэвамі будзем вырашаць. На могілках трэба прыходзіць пакланіцца, а не прагуляцца з дзіцячым вазком або сабакам.

Карані дрэў руйнуюць помнікі. Калі дрэвы былі маленькімі, было прыгожа, і ніякай пагрозы пахаванням яны не неслі. А цяпер у нас ёсць праблемы. Нядаўна былі разбурэнні з-за падзення дрэў, разам з каранямі падалі і помнікі. Улетку з ліп смала сцякае на помнікі. Мы не хочам прыбраць усе дрэвы з могілак, толькі тыя, якія нясуць пагрозу помнікам", — сказаў Цюцюнік.

Ветэраны прапануюць высечы 22 дрэва. Узамен яны прапануюць высадзіць алею бэзу.

Некаторыя з гэтых дрэў хочуць ссекчы

Хто супраць вырубкі?

Супраць вырубкі дрэваў выступаюць жыхары дома № 3 па 2-м завулку Белуша. Для іх вайсковыя могілкі ўжо даўно сталі паркам. А яшчэ расліннасць на могілках закрывае помнікі, калі глядзіш з вокнаў, і від становіцца не такім прыгнятаючым.

«Дрэвы на могілках — гэта лёгкія нашага раёна, — распавядае мясцовая жыхарка Алена Булай. — Вырашаць праблему трэба не высечкай. Мы катэгарычна супраць гэтага. Пакланіцца ім трэба? Мы паважаем гэта месца, але што нам рабіць, куды выходзіць дыхаць паветрам? Можна ж галінкі абрэзаць, але не 22 дрэва!»

Жыхары дома № 3 па 2-м завулку Белуша падчас абмеркавання высечкі дрэў

Што кажа ахова прыроды?

Начальнік Гродзенскай гарадской і раённай інспекцыі прыродных рэсурсаў і аховы навакольнага асяроддзя Вадзім Палякоў заклікаў не рабіць паспешлівых высноў. Усю расліннасць ён прапанаваў для пачатку абследаваць.

«Дрэвы трэба максімальна захаваць. Але ёсць і праблема: некаторая расліннасць небяспечная для людзей і помнікаў. У нас ёсць „Гродназелянбуд“, які ўпаўнаважаны праводзіць абследаванні дрэў, рабіць заключэнні з улікам меркаванняў жыхароў і прымаць узважанае рашэнне. Пачакаем, што яны скажуць», — зазначыў Палякоў.

Што кажуць гарадскія службы?

На сустрэчы з мясцовымі жыхарамі прысутнічаў і намеснік генеральнага дырэктара ЖКГ Сяргей Сямашка. Ён запэўніў жыхароў, што без узгаднення ніхто не будзе высякаць дрэвы.

«Трэба выслухаць усе меркаванні і толькі потым рабіць нейкую выснову. Ветэраны звярнуліся ў гарвыканкам, мы выехалі, каб пачуць меркаванне жыхароў. Усё згодна з заканадаўствам. Ніхто пакуль нічога не высякае».

Гарадскія службы на сустрэчы з жыхарамі вялі пратакол, які падпісала каля 30 чалавек. І толькі трое з іх выступілі за высечку расліннасці на могілках.

Збор подпісаў

Даведка

Вайсковыя могілкі на сучаснай вуліцы Белуша былі закладзены ў 1888 годзе і першапачаткова складалася з лютэранскай часткі (паўднёвай) і часткі для салдат іншых хрысціянскіх канфесій. Падчас Першай сусветнай вайны на могілках было пахавана шмат нямецкіх салдат і афіцэраў. У міжваенны перыяд там перапахавалі парэшткі, знойдзеныя каля былога кармеліцкага кляштара (вул. Маставая, сёння «Прыёрбанк») і Фары Вітаўта.

Тут таксама хавалі загінуўшых у польска-савецкай вайне, савецкіх салдат, якія загінулі ў 1939 і 1944 гадах, нямецкіх салдат. У пачатку 1990-х гадоў на могілках быў устаноўлены крыж памяці жыхароў Гродзеншчыны, якія загінулі падчас сталінскіх рэпрэсій.

Падзяліцца

Апошнія запісы

«Каб цябе пярун забіў!» Як неверагодны пярун 90 гадоў таму трымаў у страху Гродзеншчыну

“Каб цябе пярун забіў!” - адзін з найбольш вядомых беларускіх праклёнаў. У 1934 і 1935…

22 красавіка 2025

Гродзенцы адкрылі грыбны сезон. Дзе ў вобласці шукаць смаржкі і іншыя грыбы?

З надыходам цяпла ў заходніх рэгіёнах Беларусі - Гродзенскай і Брэсцкай абласцях - сталі з'яўляцца…

22 красавіка 2025

Аліўкавыя, залатыя і мармуровыя яйкі. Трэнды Tik Tok на Вялікдзень 2025

Змяшаць два знаёмыя спосабы афарбоўкі яек і атрымаць аліўкавы колер, знайсці спосаб з дапамогай хімічнай…

17 красавіка 2025

«Усё жыццё мару, што нехта са сваякоў знойдзецца». Гродзенка расказала, як пасля вайны не змагла з’ехаць у Польшчу і трапіла ў Казахстан

Яніна Міхайлаўна Земба нарадзілася ў Гродне ў 1934 годзе. Падчас нямецкай акупацыі яе маму вывезлі…

10 красавіка 2025

Мільярды еўра — Варшаве, мільёны — Мінску. Параўналі, як Польшча і Беларусь выкарыстоўвалі еўрапейскія гранты

«Еўрасаюз нам не патрэбен!» Гэты наратыў папулярны не толькі ў беларускай прапаганды, але і ў…

9 красавіка 2025

Як з беларускіх зямель даплывалі да Амерыкі 100 год таму: расказвае падкаст «Зямля свабоды»

У пошуках лепшага жыцця тысячы людзей выязджалі з беларускіх зямель больш за сто год таму.…

9 красавіка 2025