Акцыя супраць інтэграцыі ў Гродне: арганізатар распавёў, навошта паклікаў людзей на Стары мост

15 снежня на Старым мосце прайшла акцыя супраць інтэграцыі Беларусі і Расіі. У ёй прыняло ўдзел каля 70 чалавек. Арганізатар акцыі Мікалай Салянік распавёў, навошта паклікаў туды гродзенцаў.

У сацыяльных сетках многія абураліся выбарам месца. Маўляў, Стары мост для такіх акцый не пасуе. Але актывіст не змяніў месца сустрэчы. Ён распавёў Hrodna.life, чаму абраў менавіта мост.

— У розныя бакі мост злучае самыя доўгія пешаходныя ўчасткі ў цэнтры, пры гэтым не перасякаючы ні адну з дарог. Сталі там, каб нас не абвінавацілі, што мы перашкаджаем дарожнаму руху. І яшчэ мост гэта сімвалічнае месца — канструкцыя, што злучае правы і левы берагі горада, захад і усход.

Шмат хто ў курсе, што 20 снежня Лукашэнка і Пуцін сустрэнуцца і збіраюцца канчаткова дамаўляцца па пытаннях інтэграцыі. Мы не ведаем, якія там пытанні будуць абмяркоўваць, што пад сабой мае на ўвазе слова «інтэграцыя», ці будзе наогул самастойная Рэспубліка Беларусь. Мы неабыякавыя людзі, мы хочам, каб наша краіна была незалежная і свабодная і таму выйшлі ў цэнтр горада выказаць сваю пазіцыю. Хочам паказаць, што мы супраць інтэграцыі з Расіяй. У нашай канстытуцыі не напісана, што хтосьці мае права прадаваць незалежнасць Беларусі, нават прэзідэнт.


Чытайце таксама: У Гродне пратэставалі супраць інтэграцыі з Расіяй (ФОТА, ВІДЭА)

Актывіст распавёў, чаму ён супраць інтэграцыі з Расіяй, хоць 20 гадоў таму быў іншага меркавання.

— Я родам з Віцебскай вобласці, Дубровенскага раёна. Самы апошні раён перад Смаленскай вобласцю, да мяжы 6 км. Таму больш прарасійскага чалавека ў Гродне, чым я, напэўна і няма. Маю на ўвазе паводле паходжання. І калі б мяне 20 гадоў таму спыталі, ці хачу я аб’яднання з Расіяй, то я б двума рукамі быў за. Але цяпер я магу сказаць, што жыць у саюзе Расіяй, гэта як у сям'і жыць з п’яніцам або дэбашырам. Толькі за апошнія 100 гадоў гэта краіна ваявала з 42 краінамі свету. І гэта яшчэ не галоўная прычына, чаму я не хачу ў саюз. Сёння ў Расіі ўзровень жыцця ніжэй, чым у нас, а колькі там жыве людзей за мяжой беднасці! Навошта нам аб’ядноўвацца з такой краінай і рабіць крок назад у сваім развіцці?

www.instagram.com/p/B6GDWoHnEik/

У акцыі прыняло ўдзел каля 70 чалавек. Міліцыя сачыла за мерапрыемствам, але нікога не затрымлівала. Мікалай Салянік пазней паведаміў, што да моста супрацоўнікі міліцыі не пусцілі актывіста Аляксандра Лаўрэнцьева, ён быў затрыманы.Акцыя скончылася тым, што ўдзельнікі спусціліся да Нёмана і запусцілі па рацэ рэзалюцыю «На Піцер» адрасаваную прэзідэнтам Беларусі і Расіі.

Падзяліцца

Апошнія запісы

Тры Белавежскія пушчы. Як агароджы на мяжы змяняюць лес і жывёльны свет у Беларусі, Польшчы і паміж платамі

Белавежская пушча сёння раздзеленая не на дзве, а насамрэч на тры часткі: беларускую, польскую і…

31 сакавіка 2025

«Трэнд — мацоўня, здароўе». Задалі адны і тыя ж пытанні металістам з Беларусі і Польшчы

Ужо некалькі дзесяцігоддзяў метал-музыка аб'ядноўвае людзей не толькі адных музычных прыхільнасцяў, але і падобнага светапогляду.…

26 сакавіка 2025

У гродзенскім ГЦ развяліся прусакі. Куды звяртацца, калі заўважылі насякомых у кафэ ці ў сябе дома

У ГЗК Triniti гродзенцы заўважылі прусака — насякомае бегала па канапе ў зоне фуд-корту. Hrodna.life…

26 сакавіка 2025

«Магчыма, будзе і новы матэрыял». Вакаліст гурта Ulis Слава Корань расказаў, як эміграцыя не дае яму пісаць

Беларускі гурт Ulis праіснаваў больш за 20 гадоў. Яго спадчына жыве - музыканты робяць каверы,…

20 сакавіка 2025

«Мама выпісвала фальшывыя дакументы і дапамагала трапіць у Польшчу». Рэпатрыянтка — пра дзяцінства ў Гродне і эміграцыю ў 1946-м

Крысціна Мішчук (Пянткоўская) нарадзілася ў 1933 годзе ў Гродне ў сям'і мясцовай інтэлігенцыі. Каталічка. Тата…

18 сакавіка 2025

«Мая зямля — што хачу, тое і раблю». З’ездзілі ў польскую вёску ля мяжы з Беларуссю, куды стараста запрашае жыць усіх ахвотных

У 500 метрах ад плота, узведзенага на польскім баку мяжы з Беларуссю, стаіць вёска Азяраны…

17 сакавіка 2025