Сквер на высокім беразе Нёмана па вуліцы Дарвіна ў Гродне чакае другая чарга рэканструкцыі. Пакуль праект на стадыі распрацоўкі перадінвестыцыйнай дакументацыі.
Гарвыканкам плануе рэканструяваць другую частку сквера, па другі бок ад вуліцы Гарнавых. У скверы з’явіцца новая жалезабетонная ратонда, асвятленне, велапаркоўка і пляцоўка для нестацыянарнага гандлёвага аб’екта.
Асновай для праекта стане эскізная прапанова Упраўленне будаўніцтва, архітэктуры і горадабудаўніцтва Гродзенскага гарвыканкама.
Пры рэканструкцыі сквер цалкам пераробяць. У тым ліку дэмантуюць асфальтавыя і пліткавыя дарожкі. Для сквера прыменяць новыя тыпы пакрыццяў і абсталявання.
За распрацоўку дакументацыі Гродзенская ЖКГ заплаціць 28 750,83 рублёў. Работы плануюць завяршыць у 2027 годзе.
Сквер на Дарвіна стане часткай адзінага турыстычнага маршруту: пешаходны мост праз Нёман, Леванабярэжная, затым пад’ём у сквер, адтуль – прамы выхад да аквацэнтра “Лазурный”, які адкрыецца да фестывалю нацыянальных культур. Пра гэта паведаміў падчас прамога эфіру старшыня Гродзенскага гарвыканкама Андрэй Хмель.
Упершыню добраўпарадкаваннем сквера на Дарвіна заняліся ў 2018 годзе. Тады там з’явілася аглядная пляцоўка з ратондай. Увосень 2025 скончылі рэканструкцыю першай паловы сквера-там усталявалі новыя крамы, арэлі і скульптуру.
