Сабралі ідэі, як незвычайна правесці Дзень святога Валянціна ў Гродне: ад рамантычных сэтаў і аўтарскіх дэсертаў да лекцый, кіно і ўтульнага адпачынку за горадам.
Дзе пакаштаваць рамантычныя сэты да Дня ўсіх закаханых
У Гродне шэраг устаноў падрыхтаваў спецыяльныя меню да 14 лютага, каб стварыць атмасферу ідэальнага спаткання.
Лаўнж-бар «Мята»: сэт для закаханых за 150 рублёў
Меню ўключае:
- Дэсерт «для яе»: кекс з цёмнага піва са сметанковым крэмам і клубніцамі
- Два салаты з сырам пад філа: печаная груша і чыпсы з бекону
- Татакі з выразкі: вітэла таната з «зямлёй» з кедра і пармезану
- Уцінае філе з ванільным дэмігласам: крэм з батату і чыпсы з пастарнаку
- Leche de tigre з ласосем і клубніцамі
Лаўнж-кафэ «Барашка»: дэсерт-сюрпрыз і новыя кактэйлі
Установа падрыхтавала сэт з новымі стравамі і спецыяльнымі кактэйлямі. Асаблівасць — дэсерт-сюрпрыз, начынку якога нельга выбраць:
- Малінавая начынка — два кактэйлі ў падарунак.
- Аблепіхавая начынка — сертыфікат на 100 рублёў;
Для ўдзелу ў акцыі неабходна загадзя забраніраваць столік.
Рэстаран «Эсперанта»: рамантыка і жывая музыка
14 лютага тут чакаюць гасцей з 13:00 да апошняга наведвальніка. Установа абяцае:
- цёплы прыём і рамантычную абстаноўку
- спецыяльную Valentine’s карту кактэйляў і страў
- жывую музыку для настрою
Спецыяльнае меню ўключае: сэт з курыных канверцікаў з запечанай гарбузой, салат з ласосем, кактэйлі «Персікавы фіна», «Амарэ-манга» і «Forbidden fruit».
Рэстаран-караоке «Містэрыя»: сэт для дваіх
Меню ўключае:
Дэсерт «Закаханае сэрца»
Пасту з ласосем і равіолі з буракоў
Кактэйлі: Banana Boom і Cherry Blossom
Рэстаран «Бекон»: лімітаваны сэт для закаханых
Рэстаран падрыхтаваў эксклюзіўны лімітаваны сушы-сэт для закаханых. А таксама прапануюць фірмовыя кактэйлі і салодкі дэсерт Шу.
Прапанова для дваіх: паехаць на прыроду
Комплекс «Каробчыцы» прапануе правесці 14 лютага ў доміках на прыродзе: каля маёнтка ёсць гасцінічны міні-комплекс. Домікі цалкам абсталяваны бытавой тэхнікай і мэбляй, не трэба нічога дадаткова прыносіць. Кошт арэнды пачынаецца ад 350 рублёў за суткі, працуе шатл з Гродна. Бонусы для закаханых: пры браніраванні доміка вы атрымліваеце бясплатны ўваход на тэрыторыю маёнтка «Каробчыцы».
Расслабіцца ў SPA
Студыя «Воздух» прапануе спецыяльную SPA-праграму для пар пад назвай «Ягадны кактэйль». Яна разлічана на дваіх гасцей і доўжыцца амаль дзве гадзіны. У праграму ўваходзяць масаж спіны, шыі, рук і ног, абгортванне з маскай для цела, масаж галавы, душ і чаяванне са смакоццямі. Праграма даступная 14 і 15 лютага.
Майстар-класы і лекцыі
Лекцыя па псіхалогіі і фільм
13 лютага ў кінапрасторы mooon адбудзецца лекцыя псіхолага Яўгеніі Русіноўскай на тэму «Псіхалогія паспяховых адносін паміж мужчынам і жанчынай». Пасля лекцыі гледачоў чакае паказ фільма «Вялікі Гэтсбі». Білеты ўжо даступныя на сайце ўстановы. Кошт аднаго білета — 35 рублёў.
Сямейны майстар-клас
У гандлёвым цэнтры TRINITI ў Гродне пройдзе сямейная нядзеля, прысвечаная Дню ўсіх закаханых. Гасцей запрашаюць зрабіць паштоўкі для блізкіх сваімі рукамі. Бясплатны майстар-клас адбудзецца 8 лютага ў 13:00 на трэцім паверсе ГЦ, на пляцоўцы КІТ насупраць крамы OZ.by. Арганізатары абяцаюць дапамагчы з ідэямі і даць усе неабходныя матэрыялы. Удзел бясплатны, але патрабуецца папярэдні запіс.
Майстар-класы па роспісе і кераміцы
У творчай майстэрні «Аранжарэя» да 14 лютага падрыхтавалі некалькі майстар-класаў. 12 і 13 лютага там будзе праходзіць роспіс міні-палатна «магніт Валянцінка» (ці на вольную тэму). А 14 лютага — «МК-асацыяцыя адзін з адным». Пачатак усіх майстар-класаў а 19:00.
Таксама да Дня святога Валянціна тут пройдуць групавыя майстар-класы па кераміцы. Удзельнікам прапануюць стварыць парныя кубкі з гліны — фармат падыдзе як для пар, так і для тых, хто хоча правесці вечар у творчай атмасферы.
Заняткі адбудуцца 13 лютага а 19:00, а таксама 14 лютага а 16:00 і 19:00. Працягласць майстар-класа — 2–3 гадзіны, дадаткова будзе час для камунікацыі і фота.
Кошт удзелу — 80 рублёў, у цану ўключаны ўсе матэрыялы і інструменты, а таксама напой і садавіна.
Салодкая рамантыка да Дня святога Валянціна
Кавярня-кандытарская «Цэх» падрыхтавала спецыяльную калекцыю дэсертаў.
У асартыменце:
- Далікатныя сэрцайкі «Love collection» з клубнічным пламбірам
- Шакаладныя сэрцы «Труфель»
- Аўтарскія дэсерты ў каробачках
- Бента-торцікі з вашымі фота
Колькасць дэсертаў абмежаваная, таму заказваць лепш загадзя.
Пернікі і свечкі да 14 лютага ад мясцовых майстроў
Таксама ў Гродне да Дня святога Валянціна можна заказаць тэматычныя наборы імбірных пернікаў «Камасутра». Усе пернікі рыхтуюць з натуральных інгрэдыентаў, без штучных дабавак.
Яшчэ адзін варыянт мядовых пернікаў прапануе і іншая кандытарка. Абяцае, што яны будуць «духмянымі і смачнымі з цудоўным букетам спецый».
Таксама ў якасці падарунка можна выбраць свечкавыя духмяныя валянцінкі.
Бясплатная дастаўка валянцінак
У OldCity з 5 па 12 лютага будзе працаваць пошта валянцінак. У атрыуме стаіць спецыяльны паштовы куток, дзе можна выбраць паштоўку, напісаць цёплыя словы для любімага чалавека і апусціць яе ў паштовую скрыню. Гандлёвы цэнтр бясплатна адправіць такія пасланні па ўсёй Беларусі.
14 лютага для гасцей OldCity ў атрыуме ўсталююць святочнае сэлфі-люстэрка.
