У Грандзічах адкрылася кафэ «Без Вилки»

У гродзенскім мікрараёне Грандзічы пачало працу кафэ «Без Вилки». Установа адкрылася ў тэставым рэжыме 5 снежня, а цяпер, мяркуючы па інфармацыі ў сацсетках, ужо працуе ў звычайным фармаце.

У меню кафэ — стравы хуткага харчавання: піца, ролы, бульба фры, нагетсы і кава. Госці могуць паесці ва ўстанове, узяць замовy з сабой або аформіць дастаўку.

Што ёсць у меню і цэны

У меню — піца, ролы, сэты і фастфуд.

Піца

У меню прадстаўлены розныя варыянты: «Маргарыта» — 18 рублёў, «Пепероні» — 18 рублёў, «Гавайская» з курыцай і ананасам — 23 рублі, «Баварская» з паляўнічымі каўбаскамі — 23,5 рубля, «Грыль» з вэнджаным мясам — 24 рублі, «Бургер» з ялавічным фаршам — 24 рублі, «Карбанара» — 25 рублёў, мясная піца — 25,5 рубля. Дзіцячая піца з вяндлінай каштуе 20 рублёў. Вага піц вар’іруецца ад 510 да 670 грамаў.

Ролы і сэты

Раздзел з роламі ўключае класічныя, запечаныя і тэмпура. Ёсць «Філадэльфія», «Каліфорнія», з ласосем, тунцом, крэветкай і курыцай. Цэны на ролы — ад 14 да 28,5 рубля. Для кампаній даступныя сэты, напрыклад, гарачы сэт з 32 ролаў вагой 1,18 кг за 47 рублёў.

Што кажуць гродзенцы

На сайце citymix.by у кафэ ўжо ёсць 12 водгукаў. Большасць з іх — станоўчыя. Наведвальнікі адзначаюць смачную ежу і прымальныя цэны на сушы і піцу.

У той жа час некаторыя карыстальнікі звяртаюць увагу на кошт кавы — 7 рублёў за 180 мл. «Гэта сумна», — напісаў адзін з карыстальнікаў.

Ёсць і крытычныя водгукі. Так, адзін з наведвальнікаў не рэкамендуе ўстанову з-за якасці страў: «Замаўлялі сэт. У піцы вяндліна дрэннай якасці, а ролы зусім расчаравалі, плюс былі вельмі салёнымі і суцэльныя кунжутныя семечкі, якія моцна перабівалі смак. Цана і якасць не адпавядаюць, не рэкамендую, нават улічваючы блізкае размяшчэнне для многіх жыхароў мікрараёна», — напісаў карыстальнік сайта.

Іншы кліент таксама адзначыў праблемы з інгрэдыентамі: «Замаўляем сушы ўжо другі раз. У цэлым усё добра, але гэтым разам трапіўся несвежы кунжут», — гаворыцца ў водгуку.