У парку актыўнага адпачынку «Каробчыцкі Алімп» пад Гроднам з 7 студзеня пачынае працу цюбінгавы схіл. Пра гэта паведамляе «Тэлерадыёкампанія Гродна». Крыху пазней, з 10 студзеня, плануецца запуск і гарналыжнага схілу. Зараз у комплексе актыўна працуюць снегагенератары.
Цюбінгавы схіл: даты і ўмовы
Цюбінгавы схіл адкрыецца 7 студзеня. Пры гэтым пад’ёмнік на дадзеным схіле працаваць не будзе.
Кошт уваходу на цюбінгавы схіл — 15 рублёў.
Для наведвальнікаў даступны пракат цюбінгаў («ватрушак») па наступных тарыфах:
- 1 гадзіна— 10 рублёў,
- 2 гадзіны — 15 рублёў,
- 3 гадзіны — 20 рублёў,
- увесь дзень — 30 рублёў.
Гарналыжны схіл і лыжная траса
Запуск гарналыжнага схілу запланаваны на 10 студзеня. Для аматараў бегавых лыж ужо падрыхтавана лыжная траса працягласцю 1400 метраў. Катацца можна як на ўласным рыштунку, так і на пракатным.
Пракат лыжнага рыштунку, згодна з інфармацыяй, размешчанай на афіцыйным сайце комплексу, кошт пракату лыж складае:
Буднія дні:
- 1 гадзіна — 18 рублёў,
- 2 гадзіны — 22 рублі,
- 3 гадзіны — 26 рублёў,
- увесь дзень — 40 рублёў.
Выхадныя дні:
- 1 гадзіна — 22 рублі,
- 2 гадзіны — 27 рублёў,
- 3 гадзіны — 32 рублі,
- увесь дзень — 45 рублёў.
Пракат снаўбордаў
Таксама ў «Каробчыцкім Алімпе» даступны пракат снаўбордаў:
Буднія дні:
- 1 гадзіна — 17 рублёў,
- 2 гадзіны — 20 рублёў,
- 3 гадзіны — 23 рублі.
Выхадныя дні:
- 1 гадзіна — 20 рублёў,
- 2 гадзіны — 24 рублі,
- 3 гадзіны — 28 рублёў.
Мяркуючы па каментарыях пад навіной «Тэлерадыёкампаніі Гродна», у гэтым сезоне комплекс закупіў новыя снаўборды.
Меркаванні наведвальнікаў
У каментарыях гродзенцы дзеляцца не толькі чаканнямі, але і прэтэнзіямі. Адзін з карыстальнікаў напісаў: «Спадзяюся, у гэтым годзе адміністрацыя комплексу паклапоціцца пра тое, каб абслугоўваць лыжы як належыць. У мінулым годзе катацца на пракатных было суцэльным расчараваннем — яны вельмі дрэнна слізгалі. Свае лыжы з дому былі непараўнальна лепшыя».
Падрыхтоўка трас
Паводле інфармацыі Newgrodno.by, у комплексе ўжо актыўна працуюць снегавыя гарматы. Для вырабу штучнага снегу неабходна марознае надвор’е, і, па прагнозах, надвор’е ў найбліжэйшы час будзе спрыяльным.
