Квіз «VSпомнить VSё» у Гродне вяртаецца. Ён будзе праходзіць у новым месцы і два дні - замест аднаго. Раней арганізатары паведамлялі, што квіз закрылі праз данос, але абяцалі вярнуцца.
Цяпер квіз «VSпомнить VSё» праходзіць у бары «На луне», а не ў дзяржаўным МЦ «Гродна».
Мерапрыемства не праходзіла з канца кастрычніка 2025 года па снежань. Уладальнікі паведамлялі, што на іх напісалі данос. Маўляў, на квіз не прапусцілі чалавека з дзяржаўным сцягам, а вядучы ў мікрафон «дрэнна выказваецца пра краіну і ўладу».
«VSпомнить VSё» — адзін з самых паспяховых квізаў у Гродне. У яго гуляюць 50+ каманд. Ён праходзіў у адной з самых вялікіх залаў горада — у моладзевым цэнтры «Гродна». Акрамя таго, арганізатары праводзяць квізы і на карпаратывах. Гульні пад назвай «VSпомнить VSё» праходзяць і ў іншых гарадах.
