Навагодняя праграма пачнецца 12 снежня. Асноўныя падзеі пройдуць 20 і 31 снежня. У Гродзенскім гарвыканкаме расказалі, якія ў горадзе запланаваны святочныя мерапрыемствы да Новага года.
12 снежня стартуе навагодняя праграма «Чароўныя ліхтарыкі». Яна пройдзе з 17:30 да 22 гадзін на плошчы Леніна. У гэты дзень запаляць святочную ілюмінацыю. Для дзяцей і дарослых арганізуюць інтэрактыўныя пляцоўкі, а таксама барабаннае шоў, флэшмоб з бенгальскімі агнямі, алею дызайнерскіх ёлак у парку Жылібера і канцэрт.
20 снежня пройдзе шэсце Дзедаў Марозаў і Снягурак, якое пачнецца ў 17:30 з плошчы Леніна. Галоўны Дзед Мароз прыляціць у Гродна на верталёце, прызямліцца на штучным полі ЦСК «Нёман». Асноўная праграма будзе праходзіць на Савецкай плошчы. Тут усё пачнецца ў 15:00 і скончыцца ў 22:00.
Прызямленне Дзеда Мароза і шэсце будуць трансліраваць на вялікім экране. Сімвалам шэсця стане конь, бо 2026 год па кітайскім гараскопе пройдзе пад знакам Вогненнага Каня.
З 21 снежня па 11 студзеня будзе працаваць навагодні Церам Дзеда Мароза на Савецкай плошчы.
31 снежня з 23:30 і да 4 раніцы 1 студзеня ў цэнтры горада гарадскія ўлады абяцаюць зладзіць вулічную вечарыну з DJ-сэтамі, танцамі, конкурсы. Запуск святочнага салюту запланавалі на 2 гадзіны ночы.
На Гродзеншчыне запланаваны і іншыя святочныя мерапрыемствы. Напрыклад, будуць працаваць зімовыя рэзідэнцыі і сядзібы з навагоднімі героямі.
