За сем месяцаў 2025 года ў Гродзенскай вобласці разгледзелі 280 адміністратыўных спраў па арт. 19.11 КаАП («распаўсюджванне экстрэмізму»). Гэта ў чатыры разы менш, чым за той жа перыяд у мінулым годзе, паведамілі ва УУС Гродзенскага аблвыканкама.
Такая тэндэнцыя магчымая дзякуючы таму, што жыхары рэгіёну «аналізуюць і правяраюць» свае старонкі ў сацсетках, лічыць супрацоўнік УУС Павел Калмагораў.
Паводле слоў сілавіка, пры разглядзе часта ўстанаўліваюць, што людзі «не правяраюць крыніцу паходжання інфармацыі». І публікуюць на старонках кантэнт, які ўнесены ў спіс экстрэмісцкіх матэрыялаў.
Перыядычна жыхароў рэгіёна затрымліваюць за старыя падпіскі. Так летам 2025 года аднаго гродзенца затрымалі за публікацыю 2023 года ва «Вконтакте». Іншы мужчына атрымаў штраф за экстрэмісцкія чаты, на якія падпісаўся ў 2021 годзе.
Чытайце таксама: Сілавікі затрымліваюць гродзенцаў за старыя падпіскі на экстрэмісцкія чаты і каналы
