У адной з фірмаў Ваўкавыска звольнілі дырэктарку. Яна пайшла ў суд — хацела, каб фірма змяніла фармулёўку прычыны звальнення. Пазоў разгледзеў суд Ваўкавыскага раёну.
Дырэктарку звольнілі па ініцыятыве наймальніка, які быў адзіным удзельнікам ТАА. Ён сцвярджаў, што гэта адбылося з-за невыканання патрабаванняў і нявыплаты таварыству часткі прыбытку.
Жанчына сцвярджала, што прэтэнзіі не матываваныя. Праверку па факце парушэння працоўнай дысцыпліны не правялі. Таму звальненне — незаконнае. Як адзначыла былая дырэктарка, пасля звальнення ёй было складана ўладкавацца на новую працу.
Суд Ваўкавыска стаў на бок супрацоўніцы. Фармулёўку прычыны звальнення зменяць — пазначаць, што дырэктарка звольнілася па ўласным жаданні. Жанчыне выплацяць 500 руб. кампенсацыі маральнай шкоды, а былы працадаўца пакрые 2200 руб. судовых выдаткаў.
Чытайце таксама: Жыхар Ваўкавыска змагаўся з чыноўнікамі, каб вярнуць пенсію — і перамог
