Кафэ «GRAND» адкрылася ў канцы чэрвеня. Фішка меню — вялікі выбар блінцоў, як з салёнымі, так і салодкімі начынкамі. На фота бачна, што начыння кухары не шкадуюць.
Адкрыццё кафэ анансавалі яшчэ ў студзені 2025 года. Уладальнікі паведамілі, што паўтара года ўзгаднялі рамонт, каб зрабіць кафэ камфортней і прасторней. А таксама шукалі «смачныя спалучэнні блінцоў і духмянай кавы».
— Гэта не проста кавярня, а ўтульнасць за кожным столікам, — сцвярджаюць яны.
Салёныя бліны каштуюць 22−25 рублёў, салодкія — 14−17 рублёў. «Класіка» абыйдзецца ў 5 рублёў. За два рублі можна дадаць смятану і топінгі. Таксама ў меню венскія вафлі - 13−15 рублёў, круасаны — 12−14 рублёў.
З напояў - класіка, уключаючы «аэрокано» і аўтарскія рэцэпты — сырны раф і кедравы капучына. Ёсць шакалад і какава, матча, кактэйлі і халодныя напоі.
Яна знаходзіцца на вул. Ажэшка, 35А — там жа знаходзяцца «Драники». Верагодна, установа адкрылася на месцы былога «CoffeeSound».