Фестываль арганнай музыкі Ars Magna Organi пройдзе ў Беларусі летам і восенню. Уваход на мерапрыемствы бясплатны. Hrodna.life публікуе афішу арганных канцэртаў, якія адбудуцца ў Гродзенскай вобласці.
Навагрудак
14 чэрвеня, 19:00
Выступленне камернага ансамбля з Мінска.
- Аляксандра Машуціна (арган);
- Сафія Голуб (скрыпка);
- Вольга Булахава (віяланчэль);
- Стэфан Булахаў (віяланчэль);
- Мірон Булахаў (скрыпка).
28 чэрвеня, 19:00
- Кацярына Нікалаева (арган);
- Вера Фокіна (флейта).
12 чэрвеня, 19:00
- Вераніка Багдановіч-Язвінская (арган);
- Аляксандра Палятаева (флейта).
26 чэрвеня, 19:00
- Кацярына Іванова (арган);
- Юлія Бурдзялёва (вакал).
16 жніўня, 19:00
- Аляксандра Мігура (арган);
- Алена Веліч (віяланчэль).
13 верасня, 19:00
- Варвара Царук (арган);
- Аліна Злебава (вакал).
Канцэрты пройдуць у касцёле святога Міхала Арханёла (вул. Савецкая, 2).
У касцёле ўсталяваны адзін з самых маленькіх гістарычных арганаў у краіне. Дакладна невядома, хто стварыў інструмент, але па характэрных дэталях яго аўтарства прыпісваюць Юзафу Радовічу — аднаму з вядомых віленскіх арганных майстроў канца XIX — пачатку ХХ стагоддзя.
Пасля вайны арган шэсць гадоў праляжаў у хляве, пакуль ксёндз Анатоль Дзям’янка не перавёз яго ў Фарны касцёл у Навагрудку. Пазней інструмент перавезлі ў былы Дамініканскі касцёл, дзе ён устаноўлены і сёння. У 2016 годзе арган адрэстаўравалі.
Іўе
28 чэрвеня, 16:30
- Калініка Мядзведзева (арган);
- Вольга Федарынчык (скрыпка).
26 ліпеня, 16:30
- Анастасія Бруянкова (арган);
- Юлія Бігун (вакал);
- Лізавета Усаевіч (вакал).
9 жніўня, 19:00
- Арына Цытлянок (арган);
- Юлія Бурдзялёва (арган, вакал).
15 жніўня, 16:30
- Марыя Бельцюкова (арган);
- Мікіта Бельцюкоў (гітара).
Канцэрты пройдуць у касцёле Святых апосталаў Пятра і Паўла (вул. Карла Маркса, 51).
Устаноўлены ў касцёле арган пабудаваў у 1899 годзе латвійскі майстар Фрэдэрык Вайсенборн. Інструмент выкананы ў неагатычным стылі, што лічыцца дастаткова незвычайным рашэннем для касцёла з барочным інтэр'ерам. Мяркуецца, што такім чынам заказчык хацеў падкрэсліць доўгую гісторыю храма.
Поўная праграма фестываля Ars Magna Organi.
Чытайце таксама: У чэрвені ў Гродне і Гродзенскай вобласці пройдуць бясплатныя экскурсіі. Выбралі найцікавейшыя
