У цэнтры Гродна, недалёка ад вакзала, прадаецца трохпакаёвая кватэра з уласнай тэрасай і невялікім участкам зялёнай зоны. У доме ёсць падземны паркінг, на даху — агульная тэраса, а інтэр'ер кватэры быццам сышоў з вокладкі дызайнерскага часопіса.
Дом знаходзіцца на Будзённага, 28, пабудаваны ў 2017 годзе, выкананы з маналіта. Вышыня столяў — 3 метры. Агульная плошча кватэры — 78,3 м², жылая — 64,8 м².
Гасцёўня ў кватэры аб’яднана з кухняй і аформлена ў стылістыцы еўрапейскага эклектычнага мадэрну. Кухонная зона кампактная, з блакітнымі фасадамі і італьянскай тэхнікай. Інтэр'ер пабудаваны на кантрасце спакойных шэрых і светлых тонаў з яркімі акцэнтамі — фіялетавым крэслам, зялёным аксамітным ложкам, масіўнымі шторамі з кветкавым прынтам і аўтарскім тэкстылем. На падлозе — паркетная дошка, атмасферу ў пакоях ствараюць дызайнерскія люстры.
У спальні — двухспальны ложак з высокім мяккім узгалоўем. Дзіцячы пакой аформлены ў індустрыяльным стылі, там стаіць двух’ярусны ложак, ёсць насценны праектар з экранам і фоташпалеры.
Санвузел сумешчаны. Ванны пакой вылучаецца асобнай ваннай на ножках і ракавінамі з каменя. Аздабленне — у шэрых і пясочных тонах, з дэкаратыўнай пліткай, люстэркамі ў масіўных рамах і перагародкай са шклоблокаў. Ёсць лоджыя і тэраса з зонай адпачынку.
Кошт кватэры адзначаны як дагаворны.
Чытайце таксама:
