У продажы з’явілася светлая трохпакаёвая кватэра ў маналітным доме 2021 года на Воінаў-Інтэрнацыяналістаў, 16. Дом размешчаны на «першай берагавой ад ракі Нёман», сказана ў аб’яве.
Кватэра знаходзіцца на 13-м паверсе з 16. З вокнаў адкрываецца далягляд. Яе агульная плошча — 76,3 м², жылая — 53,7 м². Вышыня столяў — 2,76 м. У аздабленні выкарыстаны сучасныя матэрыялы і дарагая сантэхніка, усталявана сучасная сістэма асвятлення. Ёсць балкон і лоджыя.
Інтэр'еры кватэры вытрыманы ў спакойнай светлай гаме. У пакоях пераважаюць бэжавыя і шэрыя адценні, на падлозе — ламінат пад дрэва і плітка з мармуровым малюнкам.
Гасцёўня аб’яднаная з кухняй і сталовай зонай. Прастора аформлена лаканічна: мяккая канапа з абіўкай капітонэ, круглы шкляны стол і зона для адпачынку з тэлевізарам. Столі з кропкавым асвятленнем, на вокнах — шчыльныя шторы і цюль.
Кухня сучасная, з закрытымі фасадамі і ўбудаванай тэхнікай. Фартук і сцены аздоблены пліткай пад мармур. У абедзеннай зоне — яркія свяцільні з дэкорам у выглядзе галінак.
Спальня і дзіцячы пакой аформлены ў светлых нейтральных колерах. У дзіцячым — працоўнае месца з пісьмовым сталом і невялікі стылізаваны туалетны столік.
Кошт кватэры — $ 120 тыс.
Чытайце таксама:
