Гарадскі выпускны пройдзе 13 чэрвеня на Савецкай плошчы. Запланавана ўрачыстае шэсце і выступленні беларускіх артыстаў.
У гарадскім выпускным на Савецкай плошчы паўдзельнічае 2647 выпускнікоў сярэдніх школ Гродна. Спачатку яны пройдуць шэсцем па вуліцы Савецкай, а потым на плошчы Савецкай адбудзецца канцэрт. Паведамляецца, што будуць выступаць беларускія артысты і запрошаныя зоркі з Расіі.
Першы гарадскі выпускны ў Гродне адбыўся ў 2024 годзе. Тады ў ім паўдзельнічала каля 2,5 тысячы выпускнікоў.
Хэдлайнеры выпускнога – расійскія выканаўцы
Святкаванне выпускнога завершыцца выступам расійскіх выканаўцаў Galibri&Mavik. Сярод найбольш вядомых песень артыстаў — «Федэрыка Феліні», «Чак Норыс» і «Лямпачкі».
У чэрвені ў Telegram-канале Гродзенскага гарвыканкама паведамілі аб другім хэдлайнеры выпускнога. Ім стала трыо з Мінска – выканаўцы Nkeeei, Artem Shilovets і Uniqe. Рэп – асноўны жанр, у якім працуюць артысты. Сярод найбольш папулярных песень – “Гламур” і “Она хочет заехать в Минск”.
Афіша гарадскога выпускнога
Святочныя мерапрыемствы ў Гродне пачнуцца ў другой палове дня.
З 15:00 да 18:00 – у школах і гімназіях вучням уручаць атэстаты.
З 18:00 да 19:30 – збор выпускнікоў на плошчы Леніна і выступленне dj_petrosian.
З 19:30 да 19:50 – шэсце выпускнікоў з плошчы Леніна да Савецкай плошчы.
З 19:50 да 20:30 – прэв’ю-шоу “Дарога поспеху”.
З 20:30 да 20:45 – пачатак гарадскога выпускнога.
З 20:45 да 21:40 – канцэрт. Выступленне беларускіх выканаўцаў Зены, Мартвіна, Насці Краўчанка, Мікіты Бялько, а таксама ТЭА і Вольгі Рыжыкавай.
З 21:40 да 22:10 – выступ гурта «Galibri&Mavik».
З 22:10 да 22:30 – выступ гурта Uniqe, Nkeeei, ARTEM SHILOVETS.
З 22:30 да 23:00 – выступ гурта «Cosa Nostra».
Скончыцца мерапрыемства феерверкам у 23:00.
Чытайце таксама: Рэперы, забарона на продаж алкаголю і анёлы: якім быў гарадскі выпускны летась
