Фота ілюстрацыйнае. Крыніца: unsplash.com
Гродзенская IT-кампанія «Цэнтр Прагрэсіўных Распрацовак» падала заяву аб банкруцтве. Доўг фірмы — амаль 302 тыс. руб., адпаведная інфармацыя з’явілася ў сэрвісе «Картатэка».
У лютым 2025 у дачыненні да фірмы была ўзбуджаная загадная вытворчасць — сума доўгу перад ФСАН склала амаль 302 тыс. руб.
У судзе высветлілася, што зараз фірма не працуе. Па інфармацыі Office Life, на дадзены момант доўг фірмы перавышае 500 тыс. руб., у тым ліку па плацяжах падаткаў і збораў у бюджэт. У 2024 годзе «Цэнтр Прагрэсіўных Распрацовак» некалькі разоў спрабаваў аспрэчыць рашэнні падатковай у Эканамічным судзе Гродзенскай вобласці.
З красавіка 2025 года Эканамічны суд Гродзенскай вобласці ўвёў ахоўны перыяд, каб праверыць інфармацыю аб даўгах і актывах фірмы.
Кампанію зарэгістравалі ў 2017 годзе. Штат кампаніі налічваў больш за 30 чалавек, якія займаліся распрацоўкай і тэсціраваннем ПЗ для канадскай кампаніі з Таронта Velox Imaging. Фірма працуе на рынку праграм і прыладаў для аховы здароўя, а таксама супрацоўнічае з кліентамі з ЗША і Багамскіх Астравоў.
Чытайце таксама: У цэнтры Гродна закрылася крама спорттавараў, якая працавала больш за 30 гадоў
На пляцоўцы «Куфар» з'явіліся аб'явы аб продажы гатовых ботаў, якія дапамагаюць адшукаць і заняць вольныя…
Італьянскі рэстаран "Сант Микеле" з піцамі і элементамі малекулярнай кухні выставілі на продаж. Пра прычыны…
У найбліжэйшыя месяцы ў Поразаве плануюць адкрыць Дом банкухі. Тут можна будзе паўдзельнічаць у майстар-класе…
Міліцыя Гродна адпраўляе адбыўшых пакаранне на працы ў Гродзенскую агароднінную фабрыку. Зараз на ўліку ў…
На Дзевятоўцы прадаюць трохпакаёвую кватэру на апошнім паверсе 16-павярховага дома. Акрамя шыкоўнага выгляду на палі…
У акцыях на 9 траўня, прысвечаных святкаванню 80-годдзя перамогі, вырашылі задзейнічаць жывёл. Сабаку па мянушцы…