Навіны

Гродзенка знайшла ў хлебе ніт. Куды звяртацца, калі ў ежы трапіўся іншародны прадмет?

Блогерка пад нікам Tomchikcerberejus паказала хлеб, які яе дзіця купіла ў адной з гродзенскіх крам. У хлебе жанчына заўважыла ніт. Hrodna.life расказвае, куды звяртацца, калі ў ежы трапіўся іншародны прадмет.

Відэа з бракаваным хлебам гродзенка апублікавала ў TikTok. «Купіла дзіця хлебушак у краме. І опа, глядзім, што ў хлебе — болцік або гайка. Як вам?» — пракаментавала блогерка.

Хлеб з нітам, набыты ў адной з гродзенскіх крам. Скрыншот Hrodna.life відэа @tomchikcerebejus

У каментарах карыстальнікі адзначылі, што ніт у хлебе — не рэдкасць. Карыстальнікі выказалі здагадку, што ён мог адваліцца ад формы для выпякання.

«Ну, так бывае — гэта заклёпкі, імі формы паміж сабой мацуюцца. Пекары кідаюць формы і выбіваюць хлеб, заклёпкі адлятаюць», — напісаў sergeyiskaz.

«Гэта клёпка ад формы! У працэсе працы яны вылятаюць з формы. Сама пекар, ведаю, што гэта», — адзначыла Лилия.

Некаторыя каментатары пералічылі, якія іншародныя прадметы яны знаходзілі ў прадуктах.

«Нам іголка іржавая трапілася», — піша Vikulik.

«Вось раз у 00-х гадах у хлебе трапілася лапка царэўны лягушкі - вось тады іржалі ў голас», — узгадвае Фролов.

«Добра, што не зуб. Маёй сяброўцы зуб трапіўся ў хлебе», — распавядае Zwezda.

«Я купіла цукеркі шакаладныя, стала есці, а там самарэз», — адзначае valentinatrifonova.

«Некалькі гадоў таму ў Лепелі ў краме „Гарачы хлеб“ я выявіла тулава стракозы — 4 см без крылаў. Тэлефанавала ім — лаялася», — піша Наталья.

Што рабіць, калі ў ежы папаўся іншародны прадмет?

Пытаннямі няякаснай прадукцыі займаецца Міністэрства антыманапольнага рэгулявання і гандлю (МАРГ). Калі пакупнік набыў няякасны прадукт, ён можа прад’явіць прэтэнзіі:

  • прадаўцу;
  • вытворцу;
  • пастаўшчыку.

Пакупніку раяць зафіксаваць сваю прэтэнзію ў кнізе скаргаў і прапаноў, якая выдаецца па першым патрабаванні. Таксама пакупнік можа запатрабаваць або замяніць няякасны тавар, або вярнуць за яго грошы.

МАРГ адзначае, што ў такім выпадку прадавец не мае права адмовіць пакупніку ў звароце сродкаў або замене тавару, нават калі ўпакоўка выкрыта або пашкоджана.

Пры неабходнасці пакупнік можа звярнуцца ў занальны цэнтр гігіены і эпідэміялогіі горада. У Гродне цэнтр знаходзіцца па двух адрасах — на Магістральнай, 6 і на Будзённага, 7.

Чытайце таксама: У гродзенскім ГЦ развяліся прусакі. Куды звяртацца, калі заўважылі насякомых у кафэ ці ў сябе дома

Падзяліцца

Апошнія запісы

У Гродне з аўкцыёну прададуць аўтамабіль актывіста Ежы Грыгенча

З аўкцыёну ў Гродне прадаюць мікрааўтобус Volkswagen Transporter. Ён належыць актывісту Ежы Грыгенча, завочна асуджанаму…

2 мая 2025

У сярэдзіне траўня ў Гродне пачнецца Gastrofest — сэты будуць каштаваць 45 рублёў

З 15 траўня па 1 чэрвеня ў Гродне пройдзе Gastrofest. Паспрабаваць сэты ў кавярнях і…

30 красавіка 2025

Сан-Ваўкавыска і Іўеандэлес. У Ваўкавыску камунальнікі апраўдаліся за абрэзку дрэваў у парку, але праблема не там

У Ваўкавыску паабразалі гарадскія дрэвы, а некаторыя і прыбралі зусім. Гарадская камунальная гаспадарка апраўдалася перад…

30 красавіка 2025

У гродзенскай сінагозе знеслі частку сцен — хочуць вярнуць гістарычны выгляд

У вялікай харальнай сінагозе ў Гродне знеслі ўнутраную перагародку паміж вестыбюлем і малельнай залай. На…

30 красавіка 2025

На кнігі «Наш Президент» у Гродне выдаткуюць $ 9000 бюджэтных грошай

На закупку кнігі "Наш Президент" у Гродне выдаткуюць 28 080 рублёў ($ 9190). Іх купяць…

30 красавіка 2025

Глебу ў Гродне правераць на заражанасць баршчэўнікам

На Румлёўскім праспекце ў Гродне ўзвядуць транспартную развязку. Грунт у раёне абследуюць на заражанасць насеннем…

29 красавіка 2025