На закупку кнігі «Наш Президент» у Гродне выдаткуюць 28 080 рублёў ($ 9190). Іх купяць для дзіцячых садкоў і школ. Грошы выдзелілі з гарадскога бюджэту.
144 кнігі купяць да 30 красавіка. Міжгаліновы цэнтр для забеспячэння дзейнасці бюджэтных арганізацый Гродна рыхтуе закупку з адной крыніцы.
У Гродне ўжо закуплялі дзве кнігі «Наш Президент» для Цэнтралізаванай бібліятэчнай сістэмы горада.
Кнігу назвалі «дакументальна-біяграфічным нарысам». Яе напісалі чатыры прапагандысты — у тым ліку прэс-сакратарка Лукашэнкі Наталля Эйсмант. «Нашай галоўнай задачай было адлюстраваць той велізарны шлях, які ўжо прайшоў і па якім ідзе наш прэзідэнт», — сказала яна.
