Вольга Бондарава. Скрыншот Hrodna.life
Праўладную і прарасійскую актывістку Вольгу Бондараву пасадзілі на 13 сутак. Пра гэта паведамляе «Наша Ніва» са спасылкай на сяброўскі Бондаравай Telegram-канал. Інфармацыю пра адміністрацыйны арышт актывісткі пацвердзілі ў мінскім судзе.
Абноўлена. У судзе Маскоўскага раёна Мінска журналісту «Зеркала» як звычайнаму грамадзяніну пацвердзілі, што Бондараву арыштавалі на 13 сутак. Судовае пасяджэнне прайшло 26 сакавіка. За якое менавіта парушэнне судзілі актывістку, у судзе не ўдакладнілі, патлумачыўшы, што не могуць разгалошваць такую інфармацыю.
Пра тое, што нешта здарылася, сведчыць і цішыня ў Telegram-канале самой Бондаравай. Звычайна там за суткі з’яўляецца 20−30 уласных пастоў і рэпостаў, пры тым канал абнаўляецца нават ноччу. Зараз жа ён не абнаўляецца ўжо два дні: апошні пост быў раніцай 26 сакавіка.
Вольга Бондарава змагаецца з гістарычнай сімволікай, беларускай культурай, беларускай і замежнымі мовамі, лацінкай, ЛГБТ, блогерамі, падлеткамі, іконамі, адмяняе святкаванне Хэлаўіна і нават беларускага Купалля.
Чытайце таксама: Палітычная кар’ера не ўдалася. На выбарах Бондарава прайграла ідэолагу спецназа
Часам яна нападае нават на прадстаўнікоў улады і сілавікоў, а апошнім часам нават дазваляла сабе крытыку нявесткі Аляксандра Лукашэнкі Ганны Сялук.
Чытайце таксама:
У АУС Гродна сфармавалі спісы найбольш актыўных футбольных заўзятараў і "дэструктыўна настроеных грамадзян". Туды ўвайшло…
Да 1 траўня ў Гродне адкрыюць амбулаторыю ў Грандзічах, уключаць фантаны. Само свята пачнецца з…
Сілавікі знайшлі чатырох непаўналетніх у Гродне і вобласці, якія распаўсюджвалі экстрэмісцкія матэрыялы. Пра гэта напісана…
На "Гродна Азот" усё часцей спрацоўвае пажарная сігналізацыя - у параўнанні з першым кварталам мінулага…
З 21 красавіка на маршруце Гродна-Мінск большасць маршрутак заменяць кітайскімі аўтобусамі Zhong Tong. Транспарт закуплялі…
Зараз праз памежныя пераходы ў Мядзінінкай (з беларускага боку Каменны Лог) і Шальчынінкай (Беняконі) можна…