У кавярні "Цэх". Фота: Instagram установы
У пачатку сакавіка ў Гродне адкрылася кавярня «Цэх». Установа знаходзіцца на завулку Дзяржынскага, 5 і спецыялізуецца на дэсертах. Купіць кандытарскія вырабы ад «Цэха» можна было і раней, але да адкрыцця кропкі ўстанова гатавала дэсерты на вынас.
Кандытарская працуе з 2019 года. На невялікай вытворчасці рабілі розныя дэсерты: тарты, макарунсы і моці, на замову. Таксама ў «Цэха» была невялікая вітрына, дзе пакупнікі маглі купіць прадукцыю на вынас.
У сакавіку 2025 года на базе вытворчасці адкрылася кавярня «Цэх», пра гэта ў сваім Instagram паведамілі ўладальнікі. Ва ўстанове падаюць аўтарскія дэсерты. Напрыклад, чызкейк-снікерс (12 руб.), маркоўныя пірожныя з абляпіхай (9,50 руб.) і торт п’яная вішня (10 руб.). Кандытарская спецыялізуецца на дэсертах у выглядзе рэалістычных груш і вішань — страва абыдзецца ў 12 руб.
З напояў апроч класічнай кавы ў «Цэх» падаюць матчу з бергамотам і грушай (8 руб.) і аўтарскую гарбату на фруктовым пюрэ (8,5 руб.).
У кафэ больш за дзясятак пасадачных месцаў. Інтэр'ер выкананы ў светлых адценнях з акцэнтам на папяровых люстрах-«воблачках».
Установа працуе штодзень з 9.00 да 22.00.
Чытайце таксама: У Гродне на Савецкіх Пагранічнікаў адкрылася кавярня ў фармаце «каля дома»
У Гродне ёсць амаль 600 працоўных месцаў, дзе хопіць базавай адукацыі (9 класаў). Зарабляць там…
"Гроднажылбуд" 27 сакавіка апублікаваў навіну аб выстаўленні на продаж кватэр у 18-павярховай новабудоўлі ў Грандзічах.…
Кафэ “Буржуйка” з абедамі навынас адкрылася па вул. Ткацкая, 14 у (раён Ласосна). Па цане…
Усяго 8% назваў вуліц Гродна звязаны з савецкімі і расійскімі вайсковымі дзеячамі і камуністамі, якія…
Кафэ хуткага харчавання Grand Bistro адкрываюць на чацвёртым паверсе ЦУМа на Савецкай, 18, дзе раней…
Тэкст пра "меры для падтрымання чысціні" ў гродзенскім ТРК Triniti з'явіўся на NewGrodno. Падобна, ім…