Уладзімір Гундар. Фота: "Вясна"
Памёр былы палітвязень Валянцін Іваноўскі. Для палітвязня Гундара ўпершыню за два гады прынялі харчовую перадачу. Яшчэ два гродзенцы папоўнілі спіс «экстрэмістаў». Рэдакцыя Hrodna.life вывучыла, што адбылося ў вобласці з 10 па 16 сакавіка.
Суд Ашмянскага раёна 7 сакавіка прызнаў экстрэмісцкімі супольнасці беларусаў Фларыды ў Instagram і Facebook.
Слізевіч Андрэй Васільевіч і Падцерэгер Максім Аляксандравіч з Гродна 14 сакавіка папоўнілі спіс «экстрэмістаў».
Палітзьняволены Ўладзімер Гундар атрымаў прадуктовую перадачу ўпершыню за амаль два гады, паведаміла дасьведчаная крыніца са спасылкай на сваякоў зьняволенага, піша «Свабода».
«Будзе яму крыху садавіны і гародніны каб падмацавацца. Але пісаў, што даўно прызвычаіўся да турэмнай ежы», — паведаміла крыніца.
Ужо 1,5 года Ўладзімера Гундара трымаюць на турэмным рэжыме ў Магілёве. Палітвязьня пазбавілі спатканьняў і прадуктовых перадач, а за якую правіннасьць, невядома. Кантактаваньне з Уладзімерам Гундарам адбываецца праз ліставаньне і тэлефонныя званкі. Апошні ліст ад палітвязьня прыходзіў у сакавіку.
Валянцін Іваноўскі - жыхар Ліды, затрыманы ў ліпені 2022 года за абразу Лукашэнкі. Яго асудзілі да двух гадоў пазбаўлення волі. Пакаранне Валянцін адбываў у Наваполацку (ПК-1), паведамляе dissidentby.
У траўні 2024 года Валянцін Іваноўскі выйшаў на волю, але праз некалькі месяцаў яго не стала — мужчына памёр у жніўні. Прычына смерці невядомая. Яму было 48 гадоў.
Парушыў дамову, разгаласіў звесткі. Заснавальнік BY_help Аляксей Лявончык пералічыў прычыны, па якіх фонд дапамогі рэпрэсаваным беларусам разарваў дамову з гродзенскім блогерам Вадзімам Ермашуком (Вадзімаці).
Рашэннем Лукашэнкі пасаду прэм’ер-міністра Беларусі заняў 49-гадовы Аляксандр Турчын. Чыноўнік родам з Навагрудка, але апошнія дзесяць гадоў будаваў кар’еру ў Мінску. Hrodna.life паглядзеў, чым займаўся Турчын.
Праз пляцоўку «Белюрзабеспячэнне» ў Гродзенскай вобласці прадавалі аўтамабіль. Гэта маёмасць асуджанага па «палітычных» артыкулах Дзяніса Кірэшчанкі, паведамляе Telegram-канал «Право имеют». Ніхто не зарэгістраваўся на аўкцыён.
Яўген Дудкін нарадзіўся ў Магілёве, але вырас у Гродне. Думаў стаць міліцыянерам, як бацька, але паступіў на гістфак. Потым ледзь не пайшоў у ксяндзы, але стаў актывістам апазіцыі. І толькі зімой 2025 прызнаўся, што больш за 15 гадоў таму стаў сакрэтным супрацоўнікам КДБ. Hrodna.life пагаварыў з актывістам пра яго сям’ю, вучобу ва ўніверсітэце і актыўнасць на гродзенскай Альшанцы. Мы хацелі высветліць, як можна было сумяшчаць беларушчыну, апазіцыйнасць і працу на лукашэнкаўскія спецслужбы.
Партрэт шляхціца Юзафа Прушыньскага аўтарства мастака Карпіса выставілі на польскім інтэрнэт-аукцыёне Allegro. Гістарычны канал Hrodna…
Новы мікрараён з'явіцца на месцы былой вёскі Панямунь на выездзе з Гродна ў напрамку Мінска.…
Жанчына звярнулася ў Дзяржаўны камітэт судовых экспертыз (ДКСЭ) па Гродзенскай вобласці, каб устанавіць бацькоўства памерлага…
Прадпрыемства пабудуюць на пляцоўцы, якая раней належала “Гроднатэкстылю”. Займацца праектам будзе ТАА "Сучасная гігіена". У…
Трохпакаёвая кватэра на другім паверсе прадаецца ў Скідзелі. Рамонт у ёй зроблены з лёгкім намёкам…
ДАІ Гродна паведаміла, што ў горадзе з пачатку года больш за 300 парушэнняў ПДР учынілі…