Фота ілюстрацыйнае: Pexels
Суд Ваўкавыскага раёна вынес прысуд мужчыну, які падмануў 72 чалавекі на суму больш за 205 тысяч рублёў. Ён дзейнічаў ад імя ІП сваёй жонкі «Д», а яна пра гэта нічога не ведала.
З ліпеня 2023 года па травень 2024 года мужчына заключаў дамовы на пастаўку і ўстаноўку вокнаў, дзвярэй, платоў і іншых тавараў і паслуг у Ваўкавыскім раёне і іншых месцах. Ён выкарыстоўваў ІП жонкі, якая нічога пра гэта не ведала, расказалі ў прэс-службе суда. Мужчына браў з кліентаў авансы наяўнымі і дапамагаў афармляць крэдыты для аплаты заказаў, але не збіраўся выконваць абавязацельствы. Крэдыты ён афармляў на падставе пагадненняў ІП жонкі з банкамі, а грошы паступалі на рахункі, да якіх у яго быў доступ.
Усё, што атрымліваў, мужчына пераводзіў у гатоўку і прайграваў у гульнявых установах.
Суд прызнаў мужчыну вінаватым у махлярстве ў асабліва буйным памеры. Яму прызначылі сем гадоў калоніі ўзмоцненага рэжыму і штраф у памеры 100 базавых велічынь. Таксама ён абавязаны кампенсаваць пацярпелым матэрыяльную шкоду ў памеры 200 629,23 рубля, кампенсацыю маральнай шкоды на суму 30 650 рублёў і аплаціць дзяржаўную пошліну і выдаткі на адваката.
Прысуд пакуль не ўступіў у законную сілу і можа быць абскарджаны.
Чытайце таксама: Махляры спрабавалі развесці намесніка старшыні Лідскага райвыканкама ад імя яго начальніка. Як працуе такая схема?
У акцыях на 9 траўня, прысвечаных святкаванню 80-годдзя перамогі, вырашылі задзейнічаць жывёл. Сабаку па мянушцы…
Супрацоўнікі "Гродназелянбуда" ўжо ўпрыгожваюць аркі на Савецкай кветкамі. У сацсетках з'яўляецца ўсё больш відэа з…
У траўні на даху комплексу «Бровар Гродна» з'явіўся флюгер. Пры рэстаўрацыі гродзенскага піўзавода інвестару было…
Гродзенскі краязнаўца Аляксандр Перагудаў знайшоў у расійскіх фондах шэраг малавядомых здымкаў Гродна часоў Першай сусветнай…
У траўні беларусы сталі актыўна абмяркоўваць знікненне бульбы з паліц у крамах. Звярнулі ўвагу і…
Гарадское і сельскае насельніцтва Беларусі скарачаецца. Згодна з Белстатам, у Гродне і Лідзе сітуацыя выглядае…