Людзі і справы

«Настальгія ў вашых руках». Гродзенцы па фатаграфіях узнаўляюць мініяцюрныя пакоі з дзяцінства

Сям’я Алега і Аксаны з Гродна зрабіла ў падарунак унуку мініяцюрную хатку. Цяпер кожны дзень пасля дзяржаўнай працы яны садзяцца ствараць мініяцюры домікаў і пакояў па фатаграфіях — працуюць гродзенцы па начах. Пакуль робяць іх для знаёмых і не паднімаюць кошт работ вышэй за 200 рублёў. У сваім Instagram майстры пішуць, што заказчыкі могуць зайсці да сябе ў пакой, нават калі знаходзяцца ў тысячах кіламетрах ад дома.

Хацелі зрабіць падарунак унуку, а ў выніку знайшлі сябе

Мініяцюры пакояў робіць пара Алега і Аксаны. У сацсетках гродзенцы адзначаюць, што ў іх ёсць сталая праца, але «душа хацела чагосьці творчага».

Алег і Аксана. Фота: Instagram-акаўнт @komnata.detstva
Аксана майструе хатку. Фота: Instagram-акаўнт @komnata.detstva

«Праз столькі гадоў выпадкова мы знайшлі сябе ў стварэнні мініяцюрных пакояў. Кожны дзень (а часам і ноч) пасля працы дома мы садзімся за стварэнне мініяцюрных пакояў, але пакуль толькі для знаёмых. А ўсё пачалося з таго, што мы вырашылі зрабіць асаблівы падарунак унуку — хатку з кучай цікавых дэталяў для гульняў.

Мы не ведаем, ці атрымаецца ў нас стаць вядомымі ў гэтай справе. Але, калі па-сапраўднаму, сам працэс стварэння вашых успамінаў для нас ужо шчасце", — распавядаюць гродзенцы.

Пара прызнаецца, што пакуль сацыяльныя сеткі ім дапамагае весці дачка. Але Алег і Аксана абяцаюць, што «хутка разбяруцца ў Instagram і TikTok».

За месяц гродзенцы паспяваюць зрабіць два пакоі

Працэс работы над пакоем пачынаецца з таго, што замоўца дасылае фота. Важна зняць яго ва ўсіх ракурсах і напісаць, што абавязкова трэба ўлічыць. Потым гродзенцы прыступаюць да працы: Алег майструе каркас, а Аксана адказвае за напаўненне пакоя.

Элементы ў пакоі інтэрактыўныя. Напрыклад, можна рухаць скрыні шафаў, мяняць дэталі інтэр'еру ў залежнасці ад пары года і ўключаць асвятленне. Дэталі прапрацоўваюць нават да карцін і фатаграфій на сценах і солевых лямпаў ля ложкаў. У сярэднім за месяц сям’я паспявае стварыць два вырабы.

«Настальгія ў вашых руках», — дадаюць гродзенцы.

@karazajko Создают мои родители в ручную, вот их инстаграм для заказа: komnata.detstva ✨ #подарок #миниатюра #комната #детство #гродно ♬ оригинальный звук — -Витя Цой🎸🎬

Пакуль кошт вырабаў не перавышае 200 руб., распавядае ў TikTok дачка гродзенцаў. Замовіць мініяцюру можна праз Instagram. З Гродна забраць «пакой» можна самавывазам, а па Беларусі заказы адпраўляюць дастаўкай «Яндэкс» і «Еўрапоштай». Чакаць трэба, як правіла, 3−5 тыдняў.

Беларусы: «Быццам у дзяцінстве апынулася»

У каментарах пад відэа карыстальнікі захапляюцца працамі Алега і Аксаны. Некаторыя цікавяцца, ці можна заказаць вырабы ў іншыя краіны.

«Я знайду фотку пакоя бабулі і грошы. І дакладна вярнуся», — піша A.S.Teach.

«Як жа хочацца паменшыцца і зайсці ў гэты пакой», — дзеліцца 52odinok.

«Нават святло такое ж цёплае», — адзначае noname.

«Быццам у дзяцінстве апынулася», — распавядае user1404.

«Той самы пакой у бабулінай кватэры, куды прыходзіў пасля школы», — успамінае дочь шерлиамов.

«Мне ў мініяцюры стала камфортна, быццам старыя савецкія мульцікі», — піша камшот.

Чытайце таксама: Гродзенец робіць незвычайныя сервіровачныя дошкі - упрыгожвае іх сапраўднымі кветкамі

Падзяліцца

Апошнія запісы

Міліцыя Гродна склала спісы фанатаў і «дэструктыўна настроеных»

У АУС Гродна сфармавалі спісы найбольш актыўных футбольных заўзятараў і "дэструктыўна настроеных грамадзян". Туды ўвайшло…

18 красавіка 2025

Новая амбулаторыя, фантаны і гарадскі забег. Што будзе на 1 траўня ў Гродне (праграма)

Да 1 траўня ў Гродне адкрыюць амбулаторыю ў Грандзічах, уключаць фантаны. Само свята пачнецца з…

18 красавіка 2025

У 2024 годзе ў Гродне за распаўсюд экстрэмісцкіх матэрыялаў пакаралі 4 непаўналетніх

Сілавікі знайшлі чатырох непаўналетніх у Гродне і вобласці, якія распаўсюджвалі экстрэмісцкія матэрыялы. Пра гэта напісана…

18 красавіка 2025

На «Гродна Азот» часта спрацоўвае пажарная сігналізацыя — датчыкі ненадзейныя

На "Гродна Азот" усё часцей спрацоўвае пажарная сігналізацыя - у параўнанні з першым кварталам мінулага…

18 красавіка 2025

Для рэйсаў Гродна—Мінск закупілі кітайскіх аўтобусаў на $ 1,5 млн. Яны заменяць многія маршруткі

З 21 красавіка на маршруце Гродна-Мінск большасць маршрутак заменяць кітайскімі аўтобусамі Zhong Tong. Транспарт закуплялі…

17 красавіка 2025

Літва забараніла перасякаць мяжу на матацыклах і мапедах — іх стала занадта шмат

Зараз праз памежныя пераходы ў Мядзінінкай (з беларускага боку Каменны Лог) і Шальчынінкай (Беняконі) можна…

16 красавіка 2025