Гандлёвы цэнтр на Дзевятоўцы. Фота Яндэкс Карты
Таксіст з Гродна Юрый апублікаваў у TikTok відэа з бруднымі падлогамі ў гандлёвым цэнтры на Дзевятоўцы. Па словах гродзенца, ахоўнікі крамы сказалі, што прыбірацца тут няма каму. Апублікаванае відэа выклікала бурную рэакцыю сярод гараджан.
Некаторыя гродзенцы лічаць, што праблема ў кіраўніцтве крамы «Алмі». Іншыя пішуць, што крытыкаваць краму ў такое надвор’е несправядліва.
Свой ролік гродзенец суправадзіў подпісам «Горш, чым у хляве». «Значыць, трэба каб адміністрацыя прыбіралася», — пракаментаваў брудныя падлогі Юрый.
@taxigrodno1 #TAXI ♬ оригинальный звук — Юрий
Пад відэа Юрыя гродзенцы выказаліся наконт бруду ў краме. На думку некаторых гараджан, нічога страшнага ў гэтым няма, бо на вуліцы снег і бруд у памяшканні будзе з’яўляцца нават пры рэгулярнай уборцы. Іншыя каментатары адзначылі, што «Алмі» на Дзевятоўцы праблемны — уся справа ў кіраўніцтве і нізкіх заробках.
«Гэта не самае страшнае ў гэтай краме. Прадукцыя, якую прадаюць, — вось на што трэба звярнуць увагу. Тухлае, пратэрмінованае, а агульны стан крамы ўвогуле без каментароў», — піша Li.
«Гэтая крама заўсёды такая была. А яшчэ паркоўка ніякая і абслугоўванне таксама», — адзначае Наталі.
«Там працуе адна прыбіральшчыца і яна прыбірае саму залу ў „Алмі“, там заўсёды чыста», — распавядае Nastasya_Lores.
«Стаўленне да пакупніка відавочнае. Менавіта ў гэтым „Алмі“ цякучка кадраў, заўсёды новыя асобы на касе, значыць умовы працы невыносныя, у тым ліку і для прыбіральшчыц», — мяркуе Ландшафтны Дызайнер/Гродна.
«Ні ў адной краме няма такога бруду, як там, не гледзячы на надвор'е. Нават у „Алмі“ на Вішняўцы. Праблемы ў кіраўніцтве канкрэтнай крамы і ў зарплаце», — выказваецца 18.
«У Гродне ва ўсіх харчовых крамах, акрамя „Кароны“, не вельмі чыста. Нават непрыемна заходзіць і адчыняць дзверы. Я сама з Баранавіч, у нас такога няма… Нават у „Святлафоры“ чысцей значна», — дзеліцца voronko1969.
«Сёння быў там, прыбіраюць прадаўцы, стараюцца. Як можна так на ўвесь свет высмейваць? Добра, усе з тэлефонамі. Робяць, што хочуць», — лічыць Тэрэза Дроб.
«Нічога дзіўнага. Гэта праблема ёсць у кожным шматнаведваным месцы. Тым больш, харчовая крама. Нажаль, нічога не зрабіць. Альбо прадаўцы разлічваюць вас на касе, альбо мыюць для вас падлогі», — піша Вольга Кірэня.
«Праблему знайшлі. Зайшоў, купіў, што трэба. Ды і выйшаў. Бруд пад нагамі», — адзначае Veniamin.
«На вуліцы пясок з соллю, усё прыліпае і высыхае белымі разводамі. Прыбіральшчыкі не вінаватыя», — лічыць @mami@.
У гандлёвым цэнтры на Дзевятоўцы акрамя крамы «Алмі» працуюць гандлёвыя сеткі «Теремок», AMI мэбля і Fix price.
Чытайце таксама: Беларуска паскардзілася на кіроўцу маршруткі Мінск-Гродна — ён сядзеў у тэлефоне і выехаў на сустрэчную паласу
Гродзенскі краязнаўца Аляксандр Перагудаў знайшоў у расійскіх фондах шэраг малавядомых здымкаў Гродна часоў Першай сусветнай…
У траўні беларусы сталі актыўна абмяркоўваць знікненне бульбы з паліц у крамах. Звярнулі ўвагу і…
Гарадское і сельскае насельніцтва Беларусі скарачаецца. Згодна з Белстатам, у Гродне і Лідзе сітуацыя выглядае…
Сцэнічны комплекс на святкаванне Дня Перамогі ў Гродне 9 траўня абыйдзецца гарадскому бюджэту ў 12…
Непаўналетняга падлетка з Гродзенскага раёна спрабавалі прыцягнуць да адміністрацыйнай адказнасці за распіццё алкаголю ў грамадскім…
Салон прыгажосці Mateo запусціў праект «Незвычайная маці». Паўдзельнічаць у ім могуць жанчыны, якія выхоўваюць дзяцей…