У судзе Ленінскага раёна Гродна пачалі судзіць Ганецкага Міхаіла Дзіслававіча. Верагодна, гэта начальнік вытворчасці аўтамабільных агрэгатаў завода «Белкард».
Працэс паводле арт. 430 ч. 2 КК «Атрыманне хабару» пачаўся 10 лютага. Суддзя — Наталля Горбач.
Згадкі пра Міхаіла Ганецкага зніклі з афіцыйнага сайта. Ва Упраўленні па матэрыяльна-тэхнічным забеспячэнні значацца толькі в. а. і намеснікі начальніка. Вядома, што на прадпрыемстве з лістапада 2024 года шукаюць начальніка — якога менавіта, не раскрываюць. Па нумарах, названым у тэлефонным даведніку упраўлення, не адказалі.
«Белкард», першапачаткова рамонтна-падшыпнікавы завод, адкрылі ў 1951 годзе. Складаецца з механазборачнай вытворчасці, інструментальна-механічнай, кавальска-прэсавай і вытворчасці аўтамабільных агрэгатаў.
Чытайце таксама: Гродненский «Белкард» начинает отгружать запчасти в США и уже прошел аудит на поставки в John Deere
