Чарга на аўтамыйню. Крыніца: AutoGrodno
У Гродне на аўтамыйнях утварыліся такія велізарныя чэргі, якіх не бачылі ўжо 10 гадоў. Чаканне можа займаць гадзіну і больш, скардзяцца кіроўцы. У сацсетках актыўна абмяркоўваюць праблему, дзеляцца відэа і каментарамі. Што стала прычынай ажыятажу і ў які час лепш мыць машыну?
На мыйнях самаабслугоўвання ў Гродне чэргі з раніцы і да вечара, піша AutoGrodno. Такая сітуацыя, напрыклад, на вуліцы Гаражнай, распавёў таксіст Арцём, аўтар відэаблога. «Я яшчэ паспеў раніцай заехаць, памыць яе, але яна ўжо брудная, наступны раз памыю яе позна ўвечары або рана раніцай», — дзеліцца ён. Машыны ездзяць па горадзе забруджаныя.
Прычына сітуацыі, якая склалася, хутчэй за ўсё, у шчодрай апрацоўцы дарог рэагентамі. Праз адсутнасць снегу хімія застаецца на праезнай частцы і хутка забруджвае аўтамабілі.
Сёлета Спецаўтагаспадарка апрацоўвае вуліцы процігалалёднымі сродкамі прэвентыўна — за тры гадзіны да прагназаванага сіноптыкамі мінусу, каб не паспеў утварыцца лёд.
Дарогі пачнуць прыбіраць бліжэй да вясны. Пакуль сітуацыя не зменіцца, бруд на кузавах будзе назапашвацца.
Сярэдні час чакання на мыйнях вырас да 40 хвілін, а ў чарзе часам стаіць да 22 машын, падзяліўся кіраўнік сеткі аўтамыек «7 минут». Такога ён не памятае з 2015 года, калі чэргі на мыйнях самаабслугоўвання былі праз дэфіцыт паслугі. Зараз такіх мыйняў стала ўтрая больш, і нармальны час чакання — каля 10 хвілін.
Мужчына рэкамендаваў прыязджаць да 8 раніцы або пасля 22 гадзін, калі нагрузка мінімальная, і купляць жэтоны загадзя. Таксама ёсць спад чэргаў з 16:00 да 17:30.
Чарга рухаецца павольней на мыйках, дзе ёсць рэжым турбапены.
Кіраўнік аўтамыйні перакананы, што ў бліжэйшыя 2−3 дні сітуацыя палепшыцца: дарогі робяцца больш сухімі, і машыны будуць пэцкацца менш.
Чытайце таксама: У Беларусі тэстуюць новы супрацьгалалёдны рэагент. Ён павінен менш шкодзіць абутку, аўтамабілям і экалогіі
У Уладзіміра Караніка будзе новая пасада - Лукашэнка прызначыў чыноўніка намеснікам прэм'ер-міністра Беларусі. Ён будзе…
Старую назву дэмантавалі з фасада некалькі дзён таму. Замест "Беларусі" ў гасцініцы цяпер новае імя…
Гродзенка Аліна Алдошына атрымала 15 гадоў зняволення ў непальскай турме за перавозку какаіну. Яе бацьку,…
Новая ўстанова адкрыецца ў будынку былой адміністрацыі на Савецкай, 14. Кафэ MoonTea спецыялізуецца на бабл-гарбаце.…
Бізнэсоўца з Гродзеншчыны будуць судзіць за палітыку. "Афіцыйны канал Рэспублікі Вейшнорыя" прызналі экстрэмісцкім. Ксяндза з…
Паводле праекта аўтэнтычны драўляны будынак у стылі канструктывізму 1930-х на Міцкевіча, 1 і суседні аднапавярховы…
