Фрагмент карты, намаляванай Канстанцінам Грыбанавым. Крыніца: karty.by
Гродзенская трэвэл-блогерка Вольга Travel звярнула ўвагу на набор сувенірных паштовак XIX стагоддзя. Там на гербе Гродзенскай губерні замест зубра намалявана зебра. Hrodna.life разабраўся, як так атрымалася.
У сваім Instagram Вольга падзялілася фатаграфіяй паштоўкі і выказала меркаванне, што адзіным магчымым тлумачэннем такога гістарычнага казусу можа быць памылка з літарамі «у» і «е». «Нічога дзіўнага, што ніхто не хацеў сюды ехаць. Дзічына, край свету, нават зебры жывуць!» — напісала гродзенка.
Вользе трапілася калода так званых «адукацыйных карт» — яе ў 1827 годзе падрыхтаваў мастак Канстанцін Грыбанаў. Апроч масцей, на картах размяшчаліся гербы расійскіх губерняў, іх жыхары ў народных строях і нават спрошчаныя геаграфічныя мапы.
Калода не задумвалася як гульнявая — у першую чаргу яна прызначалася дзецям. І, па словах рэкламы тых часоў, дзеці маглі «злучыць прыемнае з карысным, і ў нявіннай забаве наглядна азнаёміцца са статыстычным і палітычным апісаннем нашай дарагой Айчыны».
Герб Гродзенскай губерні з зубрам зацвердзілі ў ліпені 1802 года. Аднак тлумачальных выданняў з малюнкамі губернскіх гербаў да часу выдання карт Грыбанава яшчэ было недастаткова. Спецыяльны том Поўнага збору законаў, які змяшчае малюнкі гербаў расійскіх гарадоў і губерняў («Кніга чарцяжоў і малюнкаў»), выйдзе толькі праз год пасля карт Грыбанава.
Часам малюнак герба трапляўся. Але часта зубр маляваўся вельмі прыблізна. Затое было шмат тэкставых апісанняў. Хутчэй за ўсё, менавіта апісанне і паслужыла рэферэнсам для стварэння малюнка. Відаць, мастак памыліўся пры чытанні апісання, альбо проста не ведаў, што такое «зубр» і выправіў памылку на свой лад.
Так на калодах Грыбанава замест зубра з’явілася зебра.
Памылка мастака засталася незаўважанай. Зебру прадублявалі і на пазнейшых варыянтах карт, якія выпусцілі ў 1856 годзе.
Больш за тое, зебры з’явіліся і на гузіках віцмундзіраў чыноўнікаў Гродзенскай губерні.
Чытайце таксама: 120 гадоў таму ў Гродне друкавалі цукерачныя абгорткі для ўсёй Расійскай імперыі. Польскі калекцыянер знайшоў іх у Беластоку
Гродзенская IT-кампанія "Цэнтр Прагрэсіўных Распрацовак" падала заяву аб банкруцтве. Доўг фірмы - амаль 302 тыс.…
На пляцоўцы «Куфар» з'явіліся аб'явы аб продажы гатовых ботаў, якія дапамагаюць адшукаць і заняць вольныя…
Італьянскі рэстаран "Сант Микеле" з піцамі і элементамі малекулярнай кухні выставілі на продаж. Пра прычыны…
Для мадэрнізацыі пляжу на Юбілейным возеры купяць абсталяванне. Там з'явяцца гульнявы комплекс "Князь Гедымін" з…
У найбліжэйшыя месяцы ў Поразаве плануюць адкрыць Дом банкухі. Тут можна будзе паўдзельнічаць у майстар-класе…
Міліцыя Гродна адпраўляе адбыўшых пакаранне на працы ў Гродзенскую агароднінную фабрыку. Зараз на ўліку ў…
