Дом быту. З архіваў Hrodna.life
Дом быту зноў выставілі на аўкцыён. Стартавая сума лота — больш за 6 млн руб. ($ 1,8 млн). Да гэтага будынак спрабавалі прадаць у лістападзе 2024 года па такім жа кошце. У ліпені 2024 года за Дом быту прасілі 8 млн руб ($ 2,5 млн). Першую спробу продажу зрабілі у сакавіку 2024 года — стартавая сума лота склала 10 млн рублёў (амаль $ 3,13 млн).
Лот уключае ў сябе будынак агульнай плошчай 6470 кв.м. Таксама да яго адносяцца тэхнічны склеп і тэхнічны паверх. Цяпер там здаюцца ў арэнду 41 памяшканне, частка ўваходу і дзве часткі даху.
Пакупнік будзе абавязаны правесці мадэрнізацыю або рэканструкцыю і ўвесці будынак у эксплуатацыю на працягу трох гадоў пасля заключэння дагавора аб продажы. Інакш яго чакае штраф у 1000 базавых велічынь (40 тыс. руб), і такі ж — за кожныя паўгода пратэрміноўкі.
Паўторны аўкцыён адбудзецца 18 лютага, адпаведная інфармацыя з’явілася на сайце Гродзенскага цэнтра нерухомасці.
Дом быту збудавалі 1971 годзе ў стылі савецкага мадэрнізму. У канцы 1960-х дзеля яго знеслі цэлы квартал на Замкавай.
У 2019 мясцовыя ўлады прапанавалі знесці ужо сам Дом быту, бо будынак не ўпісваецца ў гістарычны цэнтр. Аднак ужо ў 2020-м ад зносу адмовіліся. Будынак вырашылі рэканструяваць — меркавалася, што там з’явіцца гасцініца.
Чытайце таксама: Як можа выглядаць Замкавая без Дому быту
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…
Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…