Гродзенскі прадпрымальнік Артур Рымша выпусціў кліп на песню «Дзве сястры» — у ёй мужчына спявае аб моцным саюзе Беларусі і Расіі. У роліку з’яўляецца і Яўген Якуш — балетмайстар гродзенскага драмтэатра.
Прапагандысцкі кліп зрабілі за месяц
Песню «Дзве сястры» Рымша выпусціў у снежні 2024 года, прымеркаваўшы яе да 25-годдзя Саюзнай дзяржавы. У кампазіцыі спяваецца аб сястрынстве дзвюх краін, якія на «адной карце свету адзіныя, моцныя».
Ужо ў студзені 2025 года Рымша апублікаваў кліп на песню, адзначыўшы, што гэта яго першая прафесійная праца. Сам ролік зняты ў адной лакацыі, сюжэту ў кліпе няма. Затое там з’яўляецца балетмайстар гродзенскага драмтэатра Яўген Якуш, які на пачатку відэа выконвае балетныя па.
Хто такі Артур Рымша
Артур Рымша валодае гродзенскім стрып-клубам «Рэлакс» на вуліцы Кірава, а таксама кафэ «Рандэву». У 2019 гродзенец балатаваўся у Палату прадстаўнікоў нацыянальнага сходу Беларусі. У сваёй праграме кандыдата ён абяцаў развіць прадпрымальніцтва ў вобласці, павысіць палітычную граматнасць моладзі і паклапаціцца аб пажылых людзях.
Чытайце таксама: Перад выбарамі дзяржмедыі закідваюць гродзенцаў агітацыйнымі відэа
