Ілюстрацыйнае фота. Крыніца: Pexels.com
Гродзенскі рок-гурт 8sonca запісаў трэці музычны альбом. Музыкі прысвяцілі яго каханню і ўнутраным перажыванням. Рэліз з’явіцца ў красавіку 2025 пасля чатырохгадовага перапынку.
Трэці альбом пад назвай «ІІІ.І» музыкі рыхтавалі цягам года. Яго галоўнай асаблівасцю стане прынцыповае адрозненне ад папярэдняй творчасці.
Калі раней у песнях 8sonca быў пераважна гітарны гук, то цяпер з’явяцца fx-эфекты (пераходы ў мелодыі) і сэмплы (гук электрамузычных інструментаў). Асноўнымі тэмамі новых песень стануць каханне і ўнутраныя перажыванні.
Паслухаць альбом «ІІІ.І» можна будзе на розных лічбавых пляцоўках, у тым ліку Spotify, Apple Music і SoundCloud. Ад выдання фізічных копій музыкі адмовіліся, бо гэта дорага і амаль не карыстаецца попытам сярод іх аўдыторыі.
Канцэртаў у бліжэйшай перспектыве гурт таксама не плануе — зараз музыкі жывуць у розных краінах.
Гурт 8sonca быў заснаваны ў 2013 годзе ў Гродне. Музыкі граюць беларускамоўны альтэрнатыўны метал і пазіцыянуюць сабе як рок-н-рольшчыкаў.
Першы альбом з’явіўся ў 2019 годзе і стаў выказваннем музыкаў наконт іх творчай пазіцыі — тады ўдзельнікі хацелі выдзеліцца і не стаяць на месцы.
Другі альбом «На зорах таксама танчыць рок-н-рол» выйшаў у 2021 годзе. Ён атрымаўся больш павольным і па сваім гучанні, і па тэкстах песень.
Чытайце таксама: Гродзенскі рок-музыкант распавёў, як уладкаваўся на смеццявоз у Польшчы
Праўладную і прарасійскую актывістку Вольгу Бондараву, магчыма, пасадзілі на 13 сутак. Пра гэта паведамляе "Наша…
Міністр лясной гаспадаркі Аляксандр Кулік запатрабаваў ад дырэктараў лясгасаў навесці парадак з продажам бярозавага соку.…
У Гродне ноччу 26 сакавіка ў гаражным масіве спынілі хлопца. Яго хацелі адвезці ў пастарунак…
Інвестар рэканструкцыі гродзенскага піўзавода паказаў, якой будзе тэрыторыя комплекса пасля завяршэння рэканструкцыі. У планах шмат…
Новым дырэктарам Гродзенскага абласнога драматычнага тэатра стала Вольга Багдановіч. Да гэтага яна была начальніцай аддзела…
Уладальнік завода «Лідскае піва» — фінская група Olvi — павялічыла продажы ў Беларусі, уклала мільёны…
