Вуліца Міра ў Гродне. Фота: Гродзенская гарадская ЖКГ
Капітальны рамонт дамоў № 2, 3 і 4 на вуліцы Міра стартуе ў пачатку 2025 года. Падрадчыкам будзе ТАА «ДэнОлЮр», паведамілі ў Гродзенскай гарадской ЖКГ. У другім паўгоддзі адрамантуюць дамы № 6, 7 і 9. Цяпер ідзе распрацоўка праектаў іх капітальных рамонтаў.
Капітальным рамонтам прадугледжаны працы па рамонце (замене) даху, паддашкавага ўцяпляльніка, балконаў, уваходных груп, вокнаў і дзвярэй у месцах агульнага карыстання. Таксама павінны замяніць размеркавальныя сеткі электразабеспячэння, шчыткі, сістэмы маланкааховы, сістэмы халоднага водазабеспячэння і каналізацыі, у тым ліку пакватэрныя стаякі.
Перад пачаткам работ абавязкова праводзяцца сходы, на якіх жыхарам расказваюць аб відах работ, тэрмінах рамонту і адказных за яго.
За апошнія гады капітальны рамонт прайшоў у дамах № 5 (у 2022 годзе) і 11 (у 2024 годзе) па вуліцы Міра.
Вуліцу Міра пачалі забудоўваць у пачатку 1960-х гадоў тыпавымі 4−5 павярховымі дамамі. Гэта былі першыя ў Гродне так званыя «хрушчоўкі». Цікава, што ўсе дамы на вуліцы Міра пабудаваны з розных матэрыялаў - жоўтай глінянай цэглы рознага памеру, сілікатнай цэглы, вялікіх сілікатных эксперыментальных блокаў. Усяго там сёння 13 шматкватэрных дамоў.
Асаблівасць вуліцы Міра — традыцыйнае брукаванне камянямі, якое захавалася. Гэта адна з некалькіх вуліц, дзе да гэтага часу можна ўбачыць брук.
Таксама вылучаецца нетыповы дом № 5 з вялікімі памяшканнямі ў мезаніне. Іх пабудавалі, каб размясціць майстэрні для гродзенскіх мастакоў: з вуліцы Міра адкрываецца выдатны від на цэнтральную частку Гродна з замкамі, касцёламі, цэрквамі і драмтэатрам. Капітальны рамонт гэтага дома прайшоў у 2022 годзе.
На пешаходных дарожках па вул. Дамброўскага ў Гродне з'явіцца асвятленне. Работы збіраюцца правесці з сярэдзіны…
На некалькіх міжгародніх маршрутах Гродзенскай вобласці ўпершыню з'явілася магчымасць заплаціць за праезд у маршрутцы карткай.…
Гродзенец Сяргей Цераховіч працаваў на беларуска-польскай мяжы ў пункце пропуску «Брузгі». Зараз яму пагражае да…
У Гродзенскім дзяржаўным універсітэце імя Янкі Купалы прайшла сустрэча з прадстаўніком Чувашскага дзяржаўнага ўніверсітэта імя…
Палітэмігрантцы Іне Шырокай у Беларусі вырашылі узмацніць пакаранне. Палітвязня Дзяніса Івашына пазбавілі тэлефоннага званка. У…
Агонь не будзе гарэць з лютага па красавік. Гэта звязана з рамонтам на брацкай магіле…