Упрыгожаны тралейбус №187. Скрыншот Hrodna.life з відэа _arelchik
Да навагодніх свят найстарэйшы ў краіне гродзенскі тралейбус № 187 упрыгожылі гірляндамі, лямпачкамі і падарункавымі каробкамі. На гэта звярнула ўвагу адна з гараджанак і выклала відэа ў TikTok. У каментарах беларусы адзначаюць, што рэтра-тралейбус вярнуў іх у дзяцінства. Hrodna.life даведаўся, як доўга ўпрыгожаны транспарт будзе курсіраваць па горадзе.
Відэа з гродзенскім рэтра-тралейбусам апублікавала карыстальніца пад нікам _arelchik. На відэа бачна, што тралейбус упрыгожаны зялёнымі гірляндамі, лямпачкамі і дэкаратыўнымі падарункавымі каробкамі. А на шкло налеплены папяровыя сняжынкі. Дзяўчына суправадзіла ролік подпісам «Такая прыгажосць».
@_arelchik Такая красота😍. #гродно#новыйгод ♬ оригинальный звук — Vasilisa
За дзень відэа набрала амаль 145 тысяч праглядаў. У каментарах беларусы адзначаюць, што гатовы ехаць у Гродна, каб убачыць рэтра-тралейбус.
«Такі старэнькі і ўтульны! Вось бы пракаціцца!» — напісала Marina.
«Вельмі прыгожа і атмасферна», — лічыць Анастасия.
«Я яго сёння ўбачыла і ўсміхалася як дзіця», — падзялілася edeshko_grodno.
«Быццам вярнуўся ў старыя часы», — распавёў _ephmeral.
«Зашчымела сэрцайка», — напісала katyusha.retro.
«Пахне як дзяцінства», — адзначае mama_bear_by.
Упрыгожаным рэтра-тралейбус будзе курсіраваць да сярэдзіны студзеня. З-за ўмоў надвор’я навагоднюю ілюмінацыю могуць прыбраць раней.
Часцей за ўсё сустрэць тралейбус можна будзе на маршруце № 3, радзей — на маршрутах № 9 і № 11.
Чытайце таксама: Гісторыя найстарэйшага ў Беларусі тралейбуса, які да гэтага часу курсіруе па Гродне
Гіды і экскурсаводы ў Беларусі цяпер павінны ведаць асновы дзяржаўнай ідэалогіі. Такое патрабаванне з'явілася ў…
Айцец Андрэй Крот з Гродна быў у дэлегацыі беларускіх святароў, якая сустрэлася з новым пантыфікам.…
Фатаграфія кабінкі для перапранання на пляжы ў Ласосна патрапіла ў рэдакцыю Hrodna.life. Драўляныя балкі ў…
Псіхолага і дырэктарку ліквідаванага Гродзенскага дзіцячага хоспісу Вольгу Вялічку выключылі са спісу дэлегатаў Каардынацыйнай Рады…
Мужчына вяртае ў гняздо буслам птушаня, якое выпала, - такое відэа ў апошні тыдзень набірае…
Гарадскі выпускны пройдзе 13 чэрвеня на Савецкай плошчы. Запланавана ўрачыстае шэсце і выступленні беларускіх артыстаў.…