Камеры крамы зафіксавалі момант знікнення "торта". Крыніца: УУС Гродзенскага аблвыканкама
Двое гродзенцаў у канцы лістапада скралі з фасада крамы на вуліцы Кірава дэкарацыю — кавалачак торта. Яго яны хацелі падарыць сваёй сяброўцы, але тая выкінула «торт» у смецце. Цяпер супраць маладых людзей узбуджана крымінальная справа аб крадзяжы (арт. 205 КК).
Інцыдэнт здарыўся ноччу 30 лістапада. Двое гродзенцаў, 25 і 27 гадоў, адпачывалі ў адным з клубаў і ўжывалі алкаголь. Каля васьмі раніцы маладыя людзі выйшлі на вуліцу падыхаць свежым паветрам. Тады 25-гадовы гродзенец зняў дэкарацыю, каб падарыць яе сваёй дзяўчыне. Забраўшы «торт» з сабой, маладыя людзі з’ехалі на таксі.
Дзяўчына не ацаніла падарунак і выкінула яго ў сметнік, паведамляе УУС Гродзенскага аблвыканкама.
Знікненне «торта» заўважыў супрацоўнік крамы і падаў заяву ў РАУС Ленінскага раёна. У выніку Гродзенскі міжраённы аддзел Следчага камітэта ўзбудзіў у дачыненні да маладых людзей крымінальную справу аб крадзяжы.
Паведамляецца, што год таму побач з тым жа магазінам на Кірава невядомыя пашкодзілі іншую дэкарацыю — пернікавага чалавечка.
Новы мост праз яр на Фамічова ўжо пратэсціравалі - для гэтага на збудаванне прыгналі некалькі…
Консульскі збор за польскую нацыянальную візу тыпа D павялічыцца з €35 да €60 еўра. Змяненні…
Гандлёвыя святочныя домікі на Савецкай плошчы ўжо ўсталяваны — там з’явіліся шыльды з меню і…
Валанцёры грамадскай арганізацыі "Адданае сэрца" запусцілі таемнага Санту для жывёл. Аб сваёй акцыі яны распавялі…
Група валанцёраў вырашыла прывесці ў парадак капліцу-пахавальню Качаноў у вёсцы Івашкаўцы Смаргонскага раёна. Але ўбачанае…
Такую паслугу прапануе сэрвіс пракату жывых дрэваў "ЭкаЁлачка". Праект працуе з 2019 года і належыць…