У Гродзенскай вобласці пустыя дамы прадаюць танней за ўсё ў Беларусі

Сярэдні пачатковы кошт продажу пустых дамоў у Гродзенскай вобласці - 590,27 руб. Згодна з адпаведным рэестрам, у вобласці знаходзіцца 3675 такіх дамоў.

Дзесяць пустых дамоў можна купіць у Гродзенскім раёне.

Не ўсе такія дамы Гродзенскай вобласці прыдатныя для жылля. Так, у Адзіным рэестры пустых дамоў для продажу шэсць такіх дамоў знаходзяцца ў аварыйным стане, 17 — са зносам больш за 85%. Для 14 дамоў яшчэ вядуць пошук праваўладальніка.

Самыя дарагія пустыя дамы, чакана, у Мінскай вобласці. Іх сярэдні пачатковы кошт складае 1576 руб.

За год рэестр вырас у 19 разоў

Зараз у Адзіным рэестры пустых дамоў, створаным у студзені 2023 года, такіх дамоў улічана 22 649. Пры тым год таму рэестр утрымліваў 1200 такіх аб’ектаў - у 18,8 разоў менш, заўважыла BGmedia. Большая частка пустых дамоў размешчана ў сельскіх населеных пунктах і аграгарадках. У 3343 з іх яшчэ спрабуюць знайсці праваўладальніка. З аўкцыёну гатовы прадаць 115 дамоў, без аўкцыёну — 339. За адну базавую прадаюць 360 дамоў.

Праграма не спрацавала — будзе новая

Дзяржаўную праграму адраджэння і развіцця вёскі ў Беларусі распрацавалі яшчэ ў 2005 годзе. У рамках яе сельскія населеныя пункты хацелі ператварыць у аграгарадкі, стварыць вытворчую і сацыяльную інфраструктуру і пабудаваць 1481 аграгарадок.

Але чыноўнікі не здаюцца: адзін з асноўных кірункаў у рамках праекта Канцэпцыі дзяржаўнай жыллёвай палітыкі да 2030 года — дэўрбанізацыя. Яго мэта ўсё тая ж — скараціць адток кадраў у буйныя гарады і падтрымліваць вяртанне людзей у сельскую мясцовасць і малыя гарады.

Чытайце таксама: Гродзенская вобласць — на другім месцы па колькасці пустых будынкаў