Яўгенія Тарасенка дэманструе свой адвэнт-каляндар. Скрыншот Hrodna.life з Instagram блогеркі
Гродзенская блогерка Яўгенія Тарасенка (jennie.t) выпусціла адвэнт-каляндар. Падарункавы бокс выйшаў у 100 экзэмплярах, таму блогерка называе яго лімітаваным. Адзін з такіх календароў набыла беларуска Кацярына. Дзяўчына засталася расчараваная, палічыўшы кошт бокса і яго напаўненне непрапарцыянальным. На агляд адвэнт-календара звярнуў увагу CityDog.io.
Пра выпуск адвэнт-календара jennie.t паведаміла ў сваім Instagram-акаўнце. У Яўгеніі ўжо ёсць уласная крама калядных тавараў. Але, па словах блогеркі, падарункавы каляндар стаў яе «даўняй марай».
Яўгенія адзначае, што ў календары ёсць 24 ячэйкі і напаўненне «вельмі крутое — тут не толькі прысмакі, але і класныя фірмовыя рэчы».
Прадаецца адвэнт-каляндар у Гродне і Брэсце.
Адзін з такіх календароў набыла беларуска Кацярына. Відэа-агляд бокса дзяўчына апублікавала ў сваім Instagram і адзначыла, што знаходзіцца «ў шоку».
Да знешняга выгляду календара ў Кацярыны пытанняў няма. Кажа, усё выглядае прыгожа і святочна. Аднак напаўненне бокса яе расчаравала. Напрыклад, у адной з ячэяк дзяўчыне трапілася печыва з прадказаннем, у другой — некалькі кіслых цукерак, у трэцяй — налепкі. У адной з ячэек была бірулька ў выглядзе мышы — гэты падарунак Кацярына палічыла годным адвэнт-календара.
Асноўнае напаўненне бокса — гэта ежа, салодкія снэкі і напоі. Але трапілася Кацярыне і ячэйка, у якой ляжаў фотаздымак Яўгеніі Тарасенкі з пажаданнем.
За каляндар беларуска аддала 150 рублёў. «Гэта, напэўна, самы няўдалы адвэнт, які я бачыла», — адзначае яна ў відэа.
Каментатары таксама засталіся незадаволеныя напаўненнем бокса.
«Наогул гэтыя адвэнт календары — лахатрон, усё, што не прадалі і не карыстаецца попытам, можна ў адвэнт ўкласці», — напісала Наталля.
«А хто ёй у каментары ў акаўнт піша — тых блакуе. Так сабе прадпрымальнік. Скрынка прышпільная, але ўсё роўна ва ўтыль. А напаўненне ў адвэнт календары на рублёў 10… Як гаворыцца, чувак да поспеху ішоў, не фартунула. Не рэкамендую да пакупкі, бо не свята, а развадняк на грошы пад выглядам прыгожага пакавання», — лічыць gge4852.
«Вядома не варта купляць. На Wildberries можна купіць крутую драўляную хатку з ячэйкамі і напоўніць чым душы заўгодна. І будзе нашмат танней і смачней!» — адзначыла Ірына.
Чытайце таксама: Распісныя шары і снегавікі ручной працы: дзе ў Гродне набыць навагодні дэкор
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…
Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…
Калі вы хацелі жыць у кватэры з уласнай фрэскай, ды яшчэ і блізка да прыроды,…