Пляцоўка для выгулу сабак у Гродне. Ілюстрацыйнае фота. Архіў Hrodna.life
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны праект Гродзенскі гарадскі Савет дэпутатаў унёс у інвестыцыйную праграму горада.
Мясцовыя ўлады пераразмяркоўваюць 5 млн руб. з гарадскога бюджэту. Частка сродкаў пойдзе на ЖКГ і ахову здароўя, а частка — на ўсталяванне пляцовак для выгулу сабак.
«Мы яшчэ раз прааналізавалі, дзе ў нас ёсць пляцоўкі для выгулу сабак і, як адзначаюць нашы грамадзяне, мы прыслухоўваемся да іх меркаванняў, пляцовак недастаткова. Таму вырашылі па дзве пляцоўкі ў кожным раёне ўнесці ў інвестыцыйную праграму для таго, каб было больш у нас месцаў для выгулу хатніх жывёлін», — паведаміў у эфіры «Гродна Плюс» старшныя Гродзенскага гарадскога Савета дэпутатаў Алег Бялінскі.
Новыя пляцоўкі з’явяцца на Фолюшы, Пестрака, Саяпіна і Таўлая.
У Гродне ёсць пяць абсталяваных пляцовак для выгулу сабак. Дзве з іх знаходзяцца ў Ленінскім раёне — па вуліцах Болдзіна і Белыя Росы. Тры ў Кастрычніцкім раёне — па вуліцах Багушэвіча, Агінскага і Кабяка (каля станцыі пералівання крыві).
Таксама вызначаны дадатковыя месцы для выгулу сабак на пустыры па вуліцы Рыбацкай і ўздоўж аб’язной дарогі па вуліцы Дамброўскага.
Чытайце таксама: У Гродне будуюць пэт-фрэндлі дом — у пад’ездах можна будзе мыць лапкі сабакам
Гродзенка Вікторыя Талкоўская апублікавала TikTok, у якім папрасіла гараджан назваць самыя змрочныя месцы Гродна. За…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…