Горад

«Штосьці з фільмаў жахаў». Топ-3 месцаў у Гродне, якія гараджане абыходзяць за вярсту

Гродзенка Вікторыя Талкоўская апублікавала TikTok, у якім папрасіла гараджан назваць самыя змрочныя месцы Гродна. За некалькі дзён відэа сабрала амаль 600 каментароў. Hrodna.life вывучыў іх і склаў спіс з трох лакацый, якія паглыбляюць у гродзенцаў дэпрэсію.

Гродзенцаў адштурхваюць старыя дамы і дрэннае асвятленне

Сярод найбольш частых аргументаў на карысць «дэпрэсіўнасці» раёнаў гродзенцы вылучалі дрэннае асвятленне і транспартную камунікацыю, вялікую колькасць асоб маргінальнага віду на вуліцах, а таксама старыя будынкі, якім патрэбны рамонт.

Зрэшты, знайшліся і тыя, хто палічыў пустыры, прамзоны і хрушчоўкі «вайбовымі».

@talkovskaya А вы с какого района? 😎#гродно #спальныйрайон #easterneurope #slavic #soviet #slavicculture #нарайоне ♬ molchat doma клетка — лида

1 месца: вуліца Дамброўскага

Свой голас за Дамброўскага аддалі больш за 20 удзельнікаў абмеркавання — вуліца стала лідарам па колькасці негатыўных водгукаў.

«Дамброўскага для мяне штосьці з фільмаў жахаў», — напісаў карыстальнік пад нікам Лол.

«Там усё старое і шэрае», — лічыць вікса.

«Вельмі змрочная вуліца, я туды не хаджу», — падзялілася Юля.

Вольга вырашыла абараніць гонар вуліцы: «На вуліцы Лідскай я працавала ў кавярні „Спадчына“. Там шмат было тых, хто сядзеў на хіміі. А вось Дамброўскага — рай!» — адзначыла жанчына.

Будынак прытулку для жывёл на вул. Дамброўскага. Фота з Instagram isf_grsu
Вул. Дамброўскага. Фота з Instagram alexandnovgorodova

2 месца: Фарты

Па колькасці галасоў другое месца занялі Фарты.

«Жыву тут. Увечары стромна на вуліцу выходзіць», — распавяла Наталля.

«Жудасць стары раён», — напісаў адзін з карыстальнікаў.

«Там рэальна некамфортна», — адзначыў negrodrill335.

Некаторыя гродзенцы, наадварот, лічаць што адна з галоўных пераваг старых Фартоў - вялікая колькасць зеляніны.

«Выдатны раён! Улетку вельмі шмат зеляніны. Развіта выдатна інфраструктура. А ў лістападзе мала раёнаў выглядаюць добра», — напісаў Аляксей.

«Па-мойму, тут вельмі ўтульна. Двары цікавыя, дамы, перапады вышынь. Улетку ўсё зялёнае, восенню яркае. Узімку таксама нармальна», — падзяліўся SHA.

3 месца: старая частка мікрараёна Фолюш

«На Фолюшы летам і зімой вельмі ўтульна і зелена. Восень зіма — жаданне вешацца», — лічыць berlin.

«Змрочны, але ў гэтага ёсць свой вайб нейкі», — напісаў dart.

«Новыя дамы не значыць прыгожа і не змрочна. Куча ГЦ з дробнымі крамамі, як шапікі толькі гуртам. Мала дрэў. На старым Фолюшы адчуванне прытона», — падзялілася Дар’я.

Якія яшчэ вуліцы гродзенцам не даспадобы?

Адразу некалькі ўдзельнікаў абмеркавання адзначылі мікрараёны Дзевятоўка і Альшанка, а таксама вуліцы Паповіча і Камарова.

«Узімку поўная дэпрэсія, улетку настальгія і такі вайб СССР», — выказаўся пра вуліцу Паповіча карыстальнік OBLXKQ.

«Камарова на першым месцы, я там вырас! Дзякуй, хто застаўся жывы з гэтага раёна, нас мала. Астатнія ішлі да поспеху, але на жаль», — адзначыў Аляксей.

«У нас змрочных няма, у нас крыху запушчаныя. Пракаціцеся па Расіі - там амаль усе раёны змрок адзін», — рэзюміруе Den_bal.

Падзяліцца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025