Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час вучэнняў можа быць абмежаваны рух.
Падчас аперацыі задзейнічаюць ваенную і іншую спецтэхніку, а таксама ўвядуць узмоцнены кантроль, паведамляе БелТА са спасылкай на КДБ.
Пра вучэнні, якія праходзіць у Мінску, абласных і раённых цэнтрах з 19 па 22 лістапада, паведамляў і Telegram-канал МУС.
Падчас вучэнняў сілавікі адпрацоўваюць супрацьдзеянне экстрэмізму і тэрарызму, а таксама “ўцягванню грамадзян у супрацьпраўныя дзеянні”.
