Рэндар праекта гасцініцы ў турыстычным парку "Аўгустоўскі канал". Крыніца: grodnoinvest.by
На Аўгустоўскім канале з’явіцца новы турыстычны комплекс з зонай для актыўнага адпачынку. Праект рэалізуюць у раёне вёскі Чарток, што ў двух кіламетрах ад шлюза «Дамброўка». Адпаведная інфармацыя з’явілася на сайце «Гроднаінвест».
На тэрыторыі турысцка-рэкрэацыйнага парка «Аўгустоўскі канал» пабудуюць двухпавярховы гасцінічны комплекс на 30 нумароў. Таксама там з’явіцца ўстанова грамадскага харчавання на 50 пасадачных месцаў і палі для гульні ў гольф. Праект прадугледжвае будаўніцтва і «іншых аб’ектаў турыстычнай інфраструктуры».
Інвестарам выступае гродзенская фірма «ЛагаБел». Яна існуе з 2022 года і спецыялізуецца на прадастаўленні жылля на кароткі тэрмін. У лістападзе «ЛагаБел» зарэгістравалася ў свабоднай эканамічнай зоне «Гроднаінвест» і стала партнёрам па развіцці Аўгустоўскага канала.
Ад СЭЗ для рэзідэнтаў парка «Аўгустоўскі канал» прадугледжаны прэферэнцыі. Напрыклад, падатак на прыбытак (на працягу пяці каляндарных гадоў), падаткі на дададзеную вартасць і на нерухомасць, размешчаную на тэрыторыі парка, складаюць 0%.
Штогод беларускі суд разглядае больш за 30 тысяч спраў, прысвечаных разводам. Іскі задавальняюцца ў 99,6%…
На тыдні ў адной са школ Ваўкавыска плануюцца праверкі тэлефонаў навучэнцаў. Заўзятара затрымалі праз данос суседзяў…
У Гродне прадаюць саляную пячору «Брыз». За сем гадоў існавання яна так і засталася адзінай…
У Гродне пачаў працу мясны рэстаран MARMO на Маставой, 31. Акрамя класічных стэйкаў, тартараў і…
Святочныя акцыі ў горадзе пачнуцца ўжо з сярэдзіны снежня. Запланаваны флэшмоб з бенгальскімі агнямі, запальванне…
36-гадовая Кацярына Котава год таму пахавала бацьку, які памёр ад раку. Яна даведалася, што ў…