Вулічныя ўпрыгожанні да зімовых свят у Гродне. Фота: "Гродна Плюс"
Амаль 39 000 метраў гірляндаў і 280 000 лямпачак спатрэбіцца для ўпрыгожвання Гродна да навагодніх свят. Падрыхтоўка ўжо пачалася — на Савецкай плошчы пачалі ўсталёўваць гарадскую ёлку.
На вуліцы Савецкай з’явіцца «зорнае неба» — яго плануюць зрабіць яшчэ больш маштабным, чым летась.
Савецкую плошчу плануюць ператварыць у зімовы гарадок з дэкаратыўнымі аленямі. Таксама на плошчы ўжо пачалі мантаж галоўнай ёлкі горада, а будынкі ўпрыгожваюць ілюмінацыяй.
З’явяцца гірлянды і на Старым мосце.
Для ўпрыгожвання горада задзейнічаюць амаль 39 тысяч метраў гірляндаў і больш за 280 тысяч лямпачак, паведаміў у эфіры «Гродна Плюс» гендырэктар «Гарсвет» Алег Дабравольскі.
«Летась мы сезон пачалі ў лістападзе, але сёлета ў сувязі з тым, што будзе вялізны аб’ём работ па ўпрыгожванні зорным небам, гэта патрабуе шмат намаганняў. Я так коратка скажу, што на ёлку на плошчы Леніна трэба нам 14 дзён, каб цалкам яе ўпрыгожыць, павесіць зорнае неба, выставіць канструкцыі і падключыць», — адзначыў Дабравольскі.
Вуліцы будуць упрыгожаны ў «абсалютна новым стылі», паведамляе тэлеканал. Але без тлумачэння, што гэта значыць.
У самым цэнтры Гродна выставілі на продаж аднапакаёвую кватэру-малютку на Замкавай, 14. Усе яе вокны…
Каворкінг знаходзіцца ў гандлёва-забаўляльным цэнтры Triniti. Гэта шматфункцыянальная пляцоўка "К.І.Т.", у якой можна чытаць кнігі,…
Гродзенцы паскардзіліся на недахоп артадонтаў у дзіцячай стаматалагічнай паліклініцы. Каб узяць талон да лекара, людзям…
З пачатку 2024 года ў Гродне крэміравалі 140 чалавек, тады як у 2020 годзе -…
Гродзенскія кавярні вырашылі аб’яднацца і дадаць на восень новыя гастранамічныя спалучэнні кававых напояў і дэсертаў.…
Забег адбудзецца 15 чэрвеня. Агульная колькасць слотаў для жадаючых прыняць удзел – 1000. За першыя…