У Гродне прадаецца кватэра ў Новым Свеце на Міцкевіча. Фота: shoprealty.by
Кватэра займае першы паверх аднаго са старажытных сядзібных дамоў на Міцкевіча, 14, у раёне драўлянай гарадской забудовы Новы Свет. Сто гадоў таму тут жыла гродзенская эліта. Дом быў пабудаваны ў пачатку стагоддзя і належаў доктару.
Абвестка пра продаж нетыповая: замест апісання кватэры ў ёй падрабязна расказваюць гісторыю вуліцы Міцкевіча і ваколіц, а таксама жыхароў яе дамоў. Успомнілі і спецыяліста па ўнутраных хваробах доктара Мараўскага, які ў 1920−30-я гады прымаў хворых у доме № 14, дзе прадаецца кватэра.
У кватэры два пакоі, кухня, сумешчаны санвузел і трохметровыя столі. Яна прадаецца амаль без мэблі, з недарагім касметычным рамонтам. Сцены абклеены шпалерамі, падлогі драўляныя, фарбаваныя класічнай падлогавай фарбай. Агульная плошча кватэры — 46,8 кв. м, з іх 5, 8 кв. м займае кухня.
Дом № 14 па вуліцы Міцкевіча драўляны, на добрым падмурку, з мезанінам, высокім ганкам і казырком над уваходам. Дэкор стрыманы — вокны і дзверы з філёнгамі, мезанін упрыгожаны зубчастым карнізным поясам. У аб’яве год пабудовы адзначаны як 1945, але дом відавочна старэйшы.
Кошт кватэры — $ 36 500.
Чытайце таксама: Нерухомасць тыдня: параўнайце тры кватэры ў раёне унікальнай драўлянай забудовы ў Гродне
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…